Golaýda, Lebap welaýatynyň Köýtendag etrabynyň 32-nji çagalar bagynda Türkmenistanyň Magtymguly adyndaky Ýaşlar guramasynyň Lebap welaýatynyň Köýtendag etrap Geňeşi, etrabyň bilim bölümi bilen bilelikde guramagynda körpeje çagalaryň gatnaşmagynda «Çaga durmuşyň güli» ady bilen döredijilik duşuşygy geçirildi.
Duşuşyk tomusky dynç alyş möwsüminde çagalar bakja-bagyna gatnaýan çagalaryň wagtyny şadyýan geçirmekleri, zehin başarnygyny ýüze çykarmaklyk we açyp görkezmek, maksady bilen geçirildi. Bagtyýar körpeler özleriniň taýynlap gelen goşgulary, aýdymlary bilen çykyş edip özleriniň ukyp başarnyklaryny görkezdiler.
Çykyş edenler ata Watanmyz Türkmenistany çagalaryň arzuwlarynyň hasyl bolýan ülkesine öwüren Gahryman Arkadagymyza, Arkadagly Gahryman Serdarymyza alkyş sözlerini aýtdylar.
Göwher MÖWLÝAMOWA,
Türkmenistanyň Magtymguly adyndaky
Ýaşlar Guramasynyň Lebap welaýatynyň
Köýtendag etrap Geňeşiniň Guramaçylyk
bölüminiň müdiri.
