Golaýda Lebap welaýatynyň Farap şäheriniň 24-nji Çagalar bagynda Türkmenistanyň Magtymguly adyndaky Ýaşlar Guramasynyň Lebap welaýatynyň Çärjew etrap Geňeşiniň guramagynda çagalar bagynda terbiýelenýän körpeleriň gatnaşmagynda körpeleriň wagtyny gyzykly hem täsirli geçirmek maksady bilen «Gül çagalar siz durmuşyň bezegi» atly aýdym-sazly dabaraly çäre geçirildi.
Çärä ýaş körpeler özleriniň aýdym-sazly çykyşlary bilen hem-de ertekileriň gahrymanlarynyň keşbini janlandyryp, sahna oýunlaryny ýerine ýetirdiler. Körpeler geçirilen bu çärä örän höwesjeň we işjeň gatnaşdylar.
Aýdym-sazly dabaraly çäräniň ahyrynda körpejeler ata Watanymyz Türkmenistany çagalaryň arzuwlarynyň hasyl bolýan ülkesine öwüren Gahryman Arkadagymyza, Arkadagly Gahryman Serdarymyza alkyş sözlerini aýtdylar.
Nasiba ŞERALIÝEWA,
Türkmenistanyň Magtymguly adyndaky
Ýaşlar guramasynyň Lebap welaýatynyň
Çärjew etrap Geňeşiniň guramaçylyk
bölüminiň esasy hünärmeni.
