Ýakynda Türkmenistanyň Magtymguly adyndaky Ýaşlar guramasynyň Aşgabat şäheriniň Köpetdag etrap Geňeşiniň guramagynda «Altyn sümmül» çagalar dynç alyş we sagaldyş merkezinde dynç alýan çagalar bilen «Aşgabat» seýilgähine gezelenç guraldy.
Gezelenje gatnaşýan çagalar seýilgähdäki gyzykly atraksionlara we başga-da birnäçe çagalar üçin niýetlenen ýörite oýun meýdançalarynda wagtlaryny şadyýan geçirdiler.
Soňra gezelenje gatnaşan çagalara Türkmenistanyň Magtymguly adyndaky Ýaşlar guramasynyň Aşgabat şäheriniň Köpetdag etrap Geňeşi tarapyndan ýadygärlik sowgatlar gowşuryldy.
Gyzykly gezelenjiň ahyrynda çagalar körpe nesilleriň nurana geljegi, bagtyýar durmuşy hakynda taýsyz tagallalary edýän Gahryman Arkadagymyzyň, Arkadagly Gahryman Serdarymyzyň adyna alkyş sözlerini beýan etdiler.
Baýmyrat DÖWLETGELDIÝEW,
Türkmenistanyň Magtymguly adyndaky Ýaşlar
guramasynyň Aşgabat şäheriniň Köpetdag
etrap Geňeşiniň Guramaçylyk bölüminiň
baş hünärmeni.
