Golaýda, Lebap welaýatynyň Hojambaz etrabynda ýerleşýän «Güldesse» toý mekanynda Türkmenistanyň Magtymguly adyndaky Ýaşlar guramasynyň Lebap welaýatynyň Hojambaz, Halaç etrap Geňeşleriniň we Türkmenistanyň Demokratik partiýasynyň Lebap welaýatynyň Hojambaz etrap komitetiniň bilelikde gurnamagynda hemişelik Bitaraplygymyzyň 30 ýyllygy mynasybetli aýdym-sazly baýramçylyk dabarasy geçirildi.
Dabara jemgyýetçilik guramalarynyň wekilleri, edara-kärhanalarynda zähmet çekýän ýaş hünärmenler hem-de mugallymlar gatnaşdylar. Onuň dowamynda medeniýet işgärleriniň ýaş estrada aýdymçylarynyň, tans toparlarynyň joşgunly çykyşlary dabaranyň şowhunyny has-da artdyrdy.
Baýramçylyk dabarasynyň ahyrynda oňa gatnaşanlar, türkmen halkynyň eşretli, asuda, parahat durmuşda ýaşamagy ugrunda giň mümkinçilikleri döredip berýän türkmen halkynyň Milli Lideri Gahryman Arkadagymyza we hormatly Prezidentimiz Arkadagly Gahryman Serdarymyza çäksiz alkyş sözlerini beýan etdiler.
Dilber JUMAGELDIÝEWA,
Türkmenistanyň Magtymguly adyndaky Ýaşlar guramasynyň
Lebap welaýatynyň Hojambaz etrap Geňeşiniň Guramaçylyk
bölüminiň sanly ulgam boýunça esasy hünärmeni.
