Şu gün Hormatly Prezidentimiziň «Türkmenistan – Bitaraplygyň mekany» ýylynyň 11-nji fewralynda geçiren ýurdumyzyň deputatlar düzümi bilen bolan duşuşygyndan gelip çykýan wezipeleri ara alyp maslahatlaşmak we Türkmenistanyň Konstitusiýasyna üýtgetmeler we goşmaçalar girizmek bilen bagly teklipleri işläp taýýarlamak maksady bilen Türkmenistanyň Magtymguly adyndaky Ýaşlar guramasynyň Merkezi Geňeşiniň guramagynda brifing duşuşygy geçirildi. Oňa Ýaşlar guramasynyň işeňňir agzalary, talyp ýaşlar gatnaşdylar. Jemgyýetçilik guramalarynyň merkezi binasynyň giň foýesinde geçirilen bu duşuşygy Türkmenistanyň Magtymguly adyndaky Ýaşlar guramasynyň Merkezi Geňeşiniň başlygy Ý.Öwezberdiýew alyp bardy.
Ýokary ruhubelentlikde geçen brifing duşuşykda oňa gatnaşyjylar eşretli zamany, bagtyýar durmuşy berkarar edip, halkyna ýagty ertiri bagyş eden milli Liderimiziň adyna hoşallyk sözlerini aýtdylar. Hormatly Prezidentimiziň janynyň sag, belent başynyň aman bolmagyny arzuw etdiler.
Begmuhammet MEREDOW,
TMÝG-niň Merkezi Geňeşiniň Halkara hyzmatdaşlygy bölüminiň müdiri.
