Türkmenistanyň Magtymguly adyndaky Ýaşlar guramasynyň Lebap welaýatynyň Kerki etrap Geňeşiniň guramagynda etrabyň 2-nji sport mekdebinde orta mekdepleriň okuwçylarynyň dynç alyş günlerini has-da täsirli geçirmek maksady bilen sportuň futbol görnüşi boýunça ýaryş geçirildi.
Ýaryşa gatnaşan mekdep okuwçylary özleriniň ukyp-başarnyklaryny görkezdiler. Onda toparlaryň arasynda geçirilen duşuşyklaryň her biri turuwbaşdan täsirli hem çekeleşikli boldy. Birinji orny eýelemek ugrunda duşuşan toparlaryň ýaşajyk futbolçylary öz toparlaryny öňe çykarmak ugrunda yhlaslaryny gaýgyrmadylar. Bäsleşigiň ahyrynda öňe saýlanyp ýeňiji bolan toparlara TMÝG-niň Kerki etrap Geňeşi bilen etrapdaky 2-nji sport mekdebiniň bilelikde taýýarlan Hormat hatlarydyr ýadygärlik sowgatlary gowşuryldy.
