Dost naharyny duşman ýaly iý, duşman naharyndan asla datma.
* * *
Nahardan öň elini ýuwmadyk özüni sylamaz,
Nahardan soň elini ýuwmadyk – iýen duzuny.
* * *
Naharyň bişerine garaşan sowaryna-da garaşar.
* * *
Dar ýerde nahar iýenden, giň ýerde taýak iý.
* * *
Datsyz nahara duz kär etmez.
* * *
Ertir naharyňy ataň bolsa-da berme,
Günorta naharyňy dostuň bilen iý,
Agşam naharyňy duşmanyňa ber.
* * *
Erkekden galan nahar aýal üçin teperrik.
* * *
Myhmanyň öňünde aş goý, iki elini boş goý.
* * *
Arpa-bugdaý aş eken, altyn-kümüş daş eken.
* * *
Aşy harlama – gusdurar, äri harlama – busdurar.
* * *
Azajyk derdi aş basar, agyr derdi – iş.
* * *
Berk bolsa daşyň, taýýardyr aşyň.
* * *
Bir zuwala aş bişirdim, myhmany atdan düşürdim.
* * *
Gündiz aşyny goýy et, suw içirer, dok bolarsyň,
Gije aşyny suwuk et, daş çykarar, sak bolarsyň.
* * *
Her aşyň bir ýeri bar.
* * *
Merde berseň aşyňy, mert hezzetlär başyňy,
Ite berseň, aşyňy, it çekelär läşiňi.
* * *
Gepiň azy ýagşy, aşyň – duzy.
* * *
Aş köp bolsa, kada köp.
* * *
Aş tagtadan (ýaýmakdan) çykar, nah ‒ pagtadan.
* * *
Aş eýesi bilen datly.
* * *
Agyry aşdan geler, dawa – garyndaşdan.
