BI­ZIŇ BI­LEN MÜ­DI­MI­LIK GA­LAR

Ertir 1-nji mart. Ga­raş­syz Wa­tany­my­za, Bi­ta­rap­ly­gyň me­ka­ny Türk­me­nis­ta­na ba­har gel­ýär. Bi­jan­la­ra jan ber­ýän, ýy­ly de­mi, gudrat­ly mäh­ri bi­len kal­by­ňy ýy­lad­ýan, ru­hu­ňy be­len­de gö­ter­ýän, dün­ýä­ni öz­gerd­ýän ba­har pas­ly­na bi­ziň ga­raýşy­myz, bi­ziň gat­na­şy­gy­myz bü­tin­leý baş­ga­ça. Ba­ha­ryň il­kin­ji gü­nün­de biziň ýa­dy­my­zy tä­ze­läp, gu­wan­jy­myzy, buý­san­jy­my­zy be­len­de gö­te­rip, türk­men ede­bi­ýa­tyn­da şyg­ry­ýet älemi­ni öz­ger­den şa­hy­ry­myz Gur­banna­zar Ezi­zow kalp­la­ra dol­ýar. Şo­nuň üçi­nem ba­har Gur­ban­na­zar şa­hy­ry ge­tir­ýär­mi, Gur­ban­na­zar şa­hyr ba­hary ge­tir­ýär­mi, anyk kes­git­le­mek kyn. Çün­ki olar gö­bek ba­gy bi­len aý­rylmaz bag­lan­yşyk­ly.

BAG­LA­RYM

Üç ýyl ozal bahar çagy,

Ekipdim men dürli bagy.

Bu ýaz , ine, hemmejesi,

Alma, erik hem üljesi,

Akja güllerin açdylar,

Yslaryn her ýan saçdylar.

1956 ý.

ÝAZ ÝA­G­ŞY

Baharyň ýagyşy ýaganda şarlap,

Suwlar ýuwaş şildireşdi go:llarda.

Gün şöhlesi birden çykanda parlap,

Suw damjasy bulduraşdy güllerde.

1956 ý.

Gur­ban­na­zar şa­hy­ryň il­kin­ji şygyr sy­na­ny­şyk­la­ry­nyň ba­har pas­ly bi­len bag­lany­şyk­ly bol­ma­gy te­bi­gy zat. Çün­ki ol ba­ha­ryň per­zen­di.

Şa­hy­ryň gün­de­lik ýaz­gy­la­ryn­daky şu söz­ler ün­sü­ňi özü­ne çek­ýär:

11/6 — 1958

Men düýş gör­düm. Düý­şüm­de poe­zi­ýa ba­gy­nyň için­de aý­la­nyp ýör­käm, ma­ňa Bag­ban duş­dy we ol mä­hir bi­len dö­şü­me poe­zi­ýa gü­lü­ni dak­dy we me­ni ýo­la sa­lyp goý­ber­di. Şu se­tir­le­ri oka­ny­ňyz­da Mag­tymgu­ly Py­ra­gy­nyň:

Bir gije ýatyrdym tünüň ýarynda,

Bir tört atly gelip: «Turgul!» diýdiler

— di­ýen söz­le­ri ýa­dy­ňy­za dü­şen­dir. Mu­nuň özi iki be­ýik şa­hy­ryň hem dö­re­di­ji­li­gi­niň yla­hy göz­ba­şy­ny subut ed­ýän ha­ky­kat­dyr.

Ýaz­gy­my­zyň ba­şyn­da «türk­men ede­bi­ýa­tyn­da şyg­ry­ýet äle­mi­ni özger­den şa­hy­ry­myz Gur­ban­na­zar Ezizow» di­ýen kes­git­le­mä­ni ula­nyp­dym. Mu­nuň özü­ne ýe­te­si esas­la­ry bar.

Ge­çen asy­ryň alt­my­şyn­jy ýyl­laryn­da öz­le­ri­ni türk­men ede­bi­ýatyn­da ede­bi ne­sil hök­mün­de yk­rar et­dir­me­gi ba­şa­ran Gur­ban­na­zar Ezizow hem onuň ga­lam­daş­la­ry ede­biýa­ta tä­ze­çe pi­kir ýö­ret­mek, üýt­ge­şik be­ýan et­mek, baş­ga­ça şy­gyr gör­nüşle­ri hem maz­mun ag­ta­ryş­la­ry bi­len ta­pa­wut­lan­dy­lar.

Şeý­le­lik­de, Gur­ban­na­zar Ezi­zow, An­na­ber­di Aga­ba­ýew, Ital­maz Nury­ýew rus hem dün­ýä ede­bi­ýa­ty­nyň ga­za­nan­la­ryn­dan peý­da­lan­ma­ga ilkin­ji sy­nany­şyk­la­ry et­di­ler. Bu baýly­ga ta­rap ga­py­ny il­kin­ji açan­lar şolar bol­dy.

Zandy­ny ene hüw­dü­sin­den alyp gaýd­ýan, duý­gy be­ýa­ny, öwüt-ündew maz­mu­ny ag­dyk­lyk ed­ýän Gündo­gar ede­bi­ýa­ty­nyň bir bö­le­gi bo­lan türk­men şyg­ry­ýe­tin­dä­ki bu öz­ge­rişlik­ler ede­bi­ýat­çy­lar, ede­bi tan­kyt­çy­lar ta­ra­pyn­dan ba­da ka­bul hem edil­medi. Şeý­le-de bol­sa pi­ki­riň çuň­lu­gy­na, giň­li­gi­ne, be­lent­li­gi­ne esas­lan­ýan, dür­li, şol san­da er­kin ede­bi tär­le­ri hem usul­la­ry ulan­mak­dan çe­kin­meýän rus hem dün­ýä ede­bi­ýa­ty­nyň täsi­ri jan­ly be­den bo­lan türk­men şyg­ryýe­ti­ne öz tä­si­ri­ni ýe­ti­rip baş­la­dy.

El­bet­de, Gur­ban­na­zar hem onuň ga­lam­daş­la­ry il­kin­ji göz­leg­ler, säwlik­ler hem gar­şy­lyk­lar ne­ti­je­sin­de bu tä­ze dö­re­di­ji­lik ýo­lun­da ar­zuw eden belentliklerine ýetip bilmediler. Em­ma ola­ryň äden il­kin­ji ädim­le­ri hem ta­ry­hy açyş, türk­men ede­bi­ýa­tynyň ösüş ýo­lun­da­ky öz­ge­riş­lik hökmün­de düýp­li öw­re­nil­mä­ge hem ýoka­ry ba­ha be­ril­me­gi­ne my­na­syp­dyr.

Açy­lan tä­ze ga­py­dan içe­ri gir­mek, şyg­ry­ýet meý­da­nyn­da tä­ze çy­gyr açmak, şyg­ry­ýet­de pi­kir ýö­re­dili­şi­ni, çe­per­çi­lik be­ýa­ny­ny, goş­gy for­ma­laryn­da­ky tä­ze­li­gi ulan­mak we ös­dürmek bi­ziň ede­bi nes­li­mi­ze ne­sip et­di. Ola­ryň ge­çen asyr­da­ky dö­re­di­ji­li­gi­ni şol ma­hal­da­ky do­gan­lyk halk­la­ryň ede­bi­ýa­ty­nyň we­kil­le­ri­niň­ki bi­len de­ňeş­di­re­niň­de, bi­ziň il­deş­le­ri­miziň ýo­ka­ry de­re­je­le­ri eýe­le­ýän­di­gi­ni dö­wür gör­ke­zip­di. Şo­nuň üçi­nem ola­ryň ki­tap­la­ry dür­li dil­ler­de çap edil­di, öz­le­ri en­çe­me hal­ka­ra baý­rakla­ry­na my­na­syp bol­du­lar.

Bu üs­tün­lik­de Gur­ban­na­zar ha­lypa­nyň hem onuň ga­lam­daş­la­ry­nyň hyz­ma­ty­ny aý­ra­tyn bel­le­mek ge­rek. Gur­ban­na­zar şa­hyr aja­ýyp poe­zi­ýasy bi­len öz deň-duş­la­ry­na, aý­ra­tynam, ýaş­la­ra gö­rel­de bo­lup, şy­gyr sun­ga­tyn­da be­lent­lik­de çäk dö­ret­di. Gö­ze gö­rün­me­ýän bu öl­çeg aga­jyndan pes­de bol­maz­lyk üçin nä­hi­li yhlas edi­len­di­gi­ne özü­miz şa­ýat.

Gur­ban­na­zar Ezi­zo­wyň türk­men ede­bi­ýa­ty­nyň gel­je­gi, şa­hyr­la­ryň ýaş nes­li­niň ke­ma­la gel­me­gi üçin eden ta­gal­la­sy aý­ra­tyn al­ky­şa my­na­syp. Onuň öz deň-duş­la­ry­nyň dö­re­di­ji­li­gi, on­da­ky oňyn, gol­da­nyl­ma­ly ta­rap­lar bi­len bir­lik­de, säw­lik­le­riň hem kemçi­lik­le­riň bar­ly­gy ba­ra­da­ky ma­ka­la­lary bi­ziň deň-duş­la­ry­myz ta­ra­pyn­dan okuw ki­ta­by ýa­ly ka­bul edi­ler­di.

Şa­hy­ryň dö­re­di­ji ýaş­la­ryň eser­le­ri­ni sel­je­rip ýaz­ýan maka­la­la­ry, ed­ýän çy­kyş­la­ry bi­ziň kä­mil­leş­me­gi­miz­de aý­ra­tyn ähmi­ýet­li bol­dy. Gur­ban­na­zar şa­hyr bi­len ara­myz­da 5-6 ýyl ýaş ta­pawu­dy­myz bar hem bol­sa, ol myda­ma bi­ziň bi­len özü­ni deň-duş, edil öz bi­ri­miz ýa­ly alyp ba­rar­dy. Men onuň kim­dir bi­ri­niň dö­re­diji­li­gi ba­ra­da ýeň­se­sin­den gür­rüň ede­ni­ne ga­bat gel­me­dim. Asyl, ol el­my­da­ma di­ňe go­wy zat­lary gör­mä­ge ym­tyl­ýar­dy. Bi­ri­niň üs­tün­li­gi­ne onuň özün­den be­ter be­ge­nip bil­ýär­di. Oku­myş­ly­gy, köp bil­ýänligi bi­len bol­sa, ol bi­ziň hem­mä­mi­ze gö­rel­de­di.

Ge­çen asy­ryň alt­my­şyn­jy, ýet­mişin­ji ýyl­la­ryn­da baş­lan­gyç, ýaş şahyr­la­ra Gur­ban­na­zar Ezi­zow­dan ýakyn dö­re­di­ji­lik ada­my ýok­dy diý­sem ýal­ňyş bol­maz­my­ka diý­ýä­rin. Özem bu ýa­kyn­lyk, göz-­gör­te­le, gö­ze dürtü­lip du­ran ha­dy­sa däl­di. Umu­man, Gur­ban­na­za­ryň dur­muş­da, aý­ra­tynam, ede­bi­ýat­da özü­ni alyp ba­rşy sa­da­dan sa­ly­kat­ly, ýo­ka­ry me­de­niýet­li­di. Dyk­ga­ty çek­mek üçin hars urup ýa-da saga-sola çab­sap ýö­ren däl­di. Ol poe­zi­ýa kö­lü­niň ýü­zün­de paž­žyl­dap, şa­pyr-şu­pur edip ýö­ren däl-de, kö­lüň düý­bü­ne çü­müp, suwuň du­ru­sy­ny iç­ýän şa­hyr­dy.

Gur­ban­na­zar şa­hyr ýaş­la­ryň döre­di­ji­li­gi­ni siň­ňin syn­lap, sel­je­rip, öz pi­kir­le­ri­ni ma­ka­la­lar­da yzy­gi­derli be­ýan eden ha­ly­pa. Onuň aý­dan söz­le­ri, eden bel­lik­le­ri bi­ziň üçin ýol ­gör­ke­zi­ji ýyl­dyz ýa­ly­dy.

Gur­ban­na­zar Ezi­zow:

«Şu ma­ka­la­ny /«Umy­dy­myz» atly ma­ka­la/ ýaz­ma­ga het ede­ni­miň il­kin­ji se­bä­bi — men bu ýaş nes­le epes­li de­re­je­de be­let. Ola­ryň bir­nä­çesi me­niň dost­la­rym, ga­lan bir­nä­çe­si ýa­kyn ara­gat­na­şyk­da­ky adam­la­rym. Şo­nuň üçi­nem aşak­da et­jek bel­lik­leri­me-de, öw­gü­li söz­le­ri­me-de, olar di­ňe akylly-paýhasly çe­me­le­şer­ler di­ýip umyt ed­ýän.

Şeý­le­lik bi­len, aşak­da gür­rü­ňi edil­jek şa­hyr­lar (ine, ola­ryň sanawy: Ah­met Gur­ban­ne­pe­sow, Ata­myrat Ata­ba­ýew, Oraz­my­rat Gur­dow, Oraz­gu­ly An­na­ýew, Ata­jan An­naber­di­ýew, Bi­bi Oraz­dur­dy­ýe­wa, Gö­zel Şa­gu­ly­ýe­wa, Aman­dur­dy An­na­dur­dy­ýew, Ka­ka­baý Gur­banmy­ra­dow) bi­ziň poe­zi­ýa­my­za nä­me alyp gel­di­ler? Dog­ru­syn­dan gel­sek, edil şu gün bu so­ra­ga po­lo­ži­tel jogap ber­mek­den men-ä sak­lan­ýan. Bi­le­mok nä­me­den­di­gi­ni, ýö­ne bu ýaş şa­hyr­lar şin­di öz­le­rin­de giz­lenip ýa­tan po­ten­sial müm­kin­çi­lik­le­ri do­lu­ly­gyn­da açyp bi­le­nok­lar. Bi­ziň poe­zi­ýa­my­zyň «ahil­les da­ba­ny» bo­lan gu­rak­sy­lyk, be­ýan et­mek­lik, käha­lat­da bol­sa şa­hy­ra­na­ly­ga, sa­daly­ga aşa ko­wa­la­şyp, al­bom sa­hy­pala­ryn­dan çyk­maz­lyk bu şa­hyr­la­ryňam ep-eslisine mah­sus».

Her ge­zek şu ma­ka­la­ny tä­ze­den oka­nym­da ha­ly­pa­nyň nä­hi­li nä­zik, ni­çik­si mä­hir­li, çak­da­na­şa dö­zümsiz ýü­re­gi gur­sa­gyn­da gö­te­ren­li­gi­ne haý­ran gal­ýa­ryn. Se­bä­bi ma­ka­la­nyň ba­şyn­da dö­re­di­ji­li­gi­mi­ze tan­ky­dy na­zar sal­jak­dy­gy­ny, berk bel­lik­ler et­jek­di­gi­ni ol ýat­lad­ýan ýa­ly. Ma­kala­nyň süň­ňün­de bol­sa ol di­ňe go­wy zat­la­ry­my­zy gö­rüp, umy­dy­nyň ju­da be­lent­di­gi­ni be­ýan ed­ýär.

Şa­hyr An­na­ber­di Aga­ba­ýe­wiň «Ezi­zo­wyň em­ri bi­len» at­ly ki­ta­by­ny öwran-öwran oka­nym­da hem he­mişe min­net­dar­lyk duý­gu­la­ry­ny başdan ge­çir­ýä­rin.

«...Dynç gün­le­ri­niň bi­rin­de kö­ne jy­gyl­dyk­da­ky kiosk­dan bir pet­de gazet äke­lip, Eziz aga­nyň dal­ba­ryn­da okap otyr­dyk. Gur­ban­na­zar elin­dä­ki «Ýaş kom­mu­nis­ti» bir ýa­na atdy-da:

— Hä­zir ýaş şa­hyr­la­ryň için­den şeý­le­ bir «üç­lük» gel­ýär... hat­da «dört­lük»... Gel­jek­de gö­rer­siň, her­siniň öz or­ny bo­lar.

— Kimler-aýt olar?

— Okap ýö­ren adam­laň. Olar hök­man öz go­şan­dy­ny ge­tir.

— At­la­ry­ny aý­dyp bol­ma­ýar­my?

— Ata­ba­ýew Ata­my­rat, An­naýew Oraz­gu­ly, Gur­ban­my­ra­dow Ka­ka­baý... Re­je­bow No­bat­gu­ly. Men Ke­ri­me-de aýt­dym şu pi­ki­ri­mi».

El­bet­de, men bu ha­ky­ka­ty soň-soň­lar, ady ag­za­lan ki­tap çap bo­landan soň öw­ren­dim. Ýö­ne dö­re­di­ji­li­gimi­ziň il­kin­ji ädim­le­rin­de ha­ly­pa­nyň bil­di­ren yna­my bi­ze güýç-gaý­rat berip­dir, be­lent­lik­le­re dyr­maş­ma­gy­myza ýar­dam edip­dir. Eý­sem, bu bagt­lylyk­dan ala­mat däl­mi?!

Gur­ban­na­zar Ezi­zow bi­len bolan du­şu­şyk­lar, söh­bet­deş­lik­ler, iş mas­la­hat­la­ry ba­ra­da bir-ä däl, birnä­çe ga­zet ma­ka­la­syn­da-da do­ly gür­rüň et­mek müm­kin däl. Şo­nuň üçin kä­bir wa­ka­la­ry ýat­la­mak bi­len çäk­le­nä­ýe­liň.

1971-nji ýyl­da Ýa­zy­jy­lar bir­le­şi­giniň şyg­ry­ýet bö­lü­min­de şa­hyr Gurban­na­zar Ezi­zo­wyň ýol­baş­çy­ly­gyn­da «Sy­nag» at­ly ki­ta­by­myň gol­ýaz­ma­sy ara al­nyp mas­la­hat­la­şyl­dy. Ha­ly­panyň hem mas­la­ha­ta gat­na­şan beý­le­ki ýa­zy­jy­la­ryň ak pa­ta­sy bi­len bu golýaz­ma 1978-nji ýyl­da «Türk­me­nistan» ne­şir­ýa­ty ta­ra­pyn­dan çap edil­di.

Gur­ban­na­zar es­li wagt gö­rüş­meseň özü­ni küý­sed­ýän şah­sy­ýet­di. Bir-iki hep­de gö­rün­män­den soň şa­hy­ryň Ýa­zy­jy­la­ryň Pöw­ri­ze­däki dö­re­di­ji­lik öýün­de­di­gi­ni eşit­dik. Ata­my­rat Ata­ba­ýew, Aman­na­zar Aşy­row üçi­miz ýa­ny­my­za azyk-owkat alyp, Pöw­ri­zä ta­rap ýo­la düş­dük.

Du­şu­şy­ga ju­da be­ge­nen­li­gi ha­lypa­nyň ýüz-gözünden, he­re­ket­le­rinden du­ý­lup dur­dy. Otur­dyk, söh­bet et­dik. Şa­hyr «Gö­rog­ly» ope­ra­sy­nyň lib­ret­to­sy­nyň üs­tün­de iş­le­ýär eken. Ol işiň agyr iler­le­ýän­di­gin­den, žanryň özi üçin ýat­ly­gyn­dan zeý­ren­jek ýa­ly et­di. Bu iş, dog­ru­da­nam, tamam­lan­man gal­dy.

Gur­ban­na­zar şa­hy­ryň bagt­ly pur­sat­la­ry baş­dan ge­çi­ren ge­zek­leri­niň bi­ri bi­len ýaz­gy­my jem­le­mek isleýärin.

Türk­me­nis­ta­nyň Ýaş­lar gu­ra­masy­nyň mer­ke­zi eda­ra­syn­da iş­le­ýän dö­wür­le­rim Gur­ban­na­zar Ezi­zo­wa Ýaş­lar baý­ra­gy be­ril­di. Öň­ler baý­rak alan­lar gu­ra­ma­nyň bi­na­sy­na ça­gy­rylyp, ola­ra şa­ha­dat­na­ma, ny­şan hem pul baý­ra­gy gow­şu­ry­laý­ýar eken. Bu ge­zekki çä­rä­niň has da­ba­ra­ly, has ýatda ga­lar ýa­ly bol­ma­gy­ny is­le­dim.

Sy­lag gow­şu­ry­lyş da­ba­ra­sy­ny şol dö­wür­dä­ki Mol­la­ne­pes adynda­ky dra­ma teat­ryn­da ge­çir­me­gi, ýaş­la­ra baý­rak­la­ry­ny meş­hur dö­redi­ji adam­la­ryň gow­şur­ma­gy­ny göz öňün­de tut­duk.

Men Gur­ban­na­za­ra baý­ra­gy Berdi Ker­ba­ba­ýe­wiň gow­şur­ma­gy­ny isle­dim. Ýa­şu­ly ýa­raw­sy­z­rak eken. Şeý­le-de bol­sa onuň öýü­ne jaň edip hal-ah­wa­ly­ny so­ra­dym, bir çä­re ge­çirýän­di­gi­mi­zi ha­bar be­rip, oňa gat­naşyp bil­je­gi-bil­me­je­gi bi­len gy­zyk­landym. Ol luk­man­la­ryň özü­ne öý­den çyk­maz­ly­gy­ny tab­şy­ran­dyk­la­ry­ny aýt­dy. Men çä­rä­niň mak­sa­dy­ny, Gurban­na­zar Ezi­zo­wyň ady­ny aý­da­nymda go­ja­nyň se­si ter­le­nen ýa­ly bol­dy. «Hä, hä... Aja­ýyp zat eken! Oňa gatnaş­ma­sam aýyp bo­lar. Asyl, ol me­niň der­di­me-de der­man bo­lar...» diý­di. Ulag­ly ba­ryp alyp gaýt­jak­dy­gy­my aý­da­nym­da, ol mu­ňa ze­rur­ly­gyň ýok­du­gy­ny aýt­dy. Ara­lyk uzak däl, az-ow­lak ge­ze­len­ji­ňem bäh­bi­de boljak­ly­gy­ny ýaň­zy­dyp ynan­dyr­dy.

Çä­rä­niň baş­lan­ma­gy­na ýa­rym sagat ga­lan­da hä­zir­ki Mag­tym­gu­ly, şol wagt­ky «Azat­lyk» şa­ýo­lu­ny ke­sip, da­gyň ba­şy gar­ly ga­ýa­sy ýa­ly bo­lup, ýö­räp gel­ýän Ber­di My­ra­do­wi­çi gördüm. Ony gar­şy­lap, myh­man­la­ryň otu­ran ýe­ri­ne elt­dim.

Ýaş­lar baý­ra­gy­nyň ny­şa­ny hyr­ly gö­bek­li­je­di, ony pen­je­giň ýa­ka­syndan ge­çi­rip, ilik ýaly­jak de­mir bi­len tow­lap ber­kit­me­li­di. Ny­şan da­kylan­da kyn­çy­lyk ýü­ze çyk­ma­syn diýip, men Gur­ban­na­za­ryň pen­je­gi­niň ýa­ka­sy­ny go­wy edip deş­dim. Ny­şanyň gö­be­gi­niň ra­hat ge­çip-geç­meýän­li­gi­nem sy­nap gör­dük.

Şeý­le-de bol­sa Gur­ban­na­zar Ezizo­wyň hem Ber­di Ker­ba­ba­ýe­wiň atla­ry yg­lan edi­lip, ge­zek ny­şan dakma­ga ge­len­de, go­ja ny­şa­nyň gö­be­gi­ni de­şi­ge ga­bat ge­ti­rip da­kyp bil­me­di. Bu ýag­daý uzag­ra­ga çe­ken­soň, ylgap sah­na çyk­dym-da ýa­şu­la kö­mek et­dim. Türk­men ede­bi­ýa­ty­nyň kerwen­ba­şy­sy Ber­di Ker­ba­ba­ýew bi­len türk­men ede­bi­ýa­ty­nyň ýe­ten belent de­re­je­si­niň ala­ma­ty Gur­ban­na­zar Ezi­zo­wyň gol tu­tu­şyp du­ran pur­satla­ry heniz-henizlerem göz öňüm­den gi­de­nok. Da­ba­ra gat­naş­ýan­lar ör turup, uzak wagt­lap ça­pak çal­dy­lar.

«Türk­me­nis­tan — Bi­ta­rap­ly­gyň me­ka­ny» ýy­ly­nyň ba­ha­ry üýt­ge­şik bo­lar. Hor­mat­ly Pre­zi­den­ti­mi­ziň edýän taý­syz ta­gal­la­sy, dö­re­den şert­leri ne­ti­je­sin­de biz be­lent şah­sy­ýet­le­rimi­ziň sar­pa­sy­ny sak­lap, mer­te­be­si­ni has-da beý­geld­ýä­ris.

Ba­har ge­ler — ba­har dün­ýäni öz­ger­der. Ba­har ge­ler — ba­har Gur­ban­na­zar­ly ge­ler. Ba­har ge­ler — dün­ýä dur­sa, ba­har ge­ler du­rar.

Ba­har­da ge­len Gur­ban­na­zar täze ba­har­la­ry ge­ti­rer. Tä­ze ba­har­la­ry ge­ti­ren Gur­ban­na­zar Ezi­zow bi­ziň ýa­dy­my­zy, aňy­my­zy he­mi­şe tä­ze­lär du­rar. Dün­ýä dur­sa, söý­gü­li şa­hy­rymyz bi­ziň bi­len mü­di­mi­lik ga­lar.

Orazguly ANNAÝEW,

Türkmenistanyň halk ýazyjysy.

“Nesil” gazeti,

29.02.2020ý.