Häzirki wagtda ýurdumyzyň başlangyç hünär, orta hünär we ýokary okuw mekdeplerinde bilim alýan talyp ýaşlaryň gyşky dynç alyş möwsümi dowam edýän döwründe Türkmenistanyň Mejlisiniň, Magtymguly adyndaky Ýaşlar guramasynyň Merkezi Geňeşiniň, Bilim hem-de Sport we ýaşlar syýasaty ministrliginiň wekilleriniň gatnaşmaklarynda ýörite tassyklanan meýilnama esasynda talyp ýaşlaryň bilim ojaklaryna baryp, olaryň arasynda wagyz – nesihat çärelerini geçirdiler.
Onda çykyş edenler «Türkmenistan – parahatçylygyň we ynanyşmagyň Watany» diýlip yglan edilen 2021-nji ýylyň 20-nji ýanwarynda hormatly Prezidentimiziň paýtagtymyzdaky Olimpiýa şäherçesinde iri halkara ýaryşlaryna taýýarlyk görlüşi we desgalarda türgenleşikleriň geçirilişi bilen tanyşlygy mahalynda öňde goýan wezipelerini hem-de ýaşlaryň ählitaraplaýyn ösen, beden we ruhy taýdan sagdyn, bilimli-ylymly bolmagyny gazanmak, ata-babalarymyzyň müňýyllyklaryň dowamynda kemala getiren milli mirasymyza sarpany, zähmete bolan söýgini döretmek, halkymyzyň ynsanperwer ýörelgelerine ygrarly bolmaklaryny terbiýelemek şeýle hem «Türkmenistanda ýaşlar baradaky döwlet syýasatynyň 2021-2025-nji ýyllar üçin» we «Türkmenistanda 2021-2025-nji ýyllarda bedenterbiýäni we sporty goldamagyň hem-de ösdürmegiň maksatnamalarynda beýan edilýän wezipeleri üstünlikli durmuşa geçirmekde ýaşlaryň mynasyp ornunyň bardygyny bellediler.
Duşuşyklaryň ahyrynda oňa gatnaşanlar Garaşsyz hemişelik Bitarap döwletimiziň dünýä bileleşigindäki abraý-mertebesiniň häzirki buýsançly döwürde ajaýyp öwüşginleriniň many-mazmunyny il içinde wagyz etmekde mundan beýläkde hem joşgunly zähmet çekjekdiklerine, Gahryman Arkadagymyzyň hoşniýetli içeri we daşary syýasatyny dabaralandyrmakda tutanýerli yhlasly goşantlaryny goşjakdyklaryny ynandyrdylar we dünýäde ösüş arkaly parahatçylyk ýörelgäni amal edýän bu ugurda dünýä nusgalyk işleri amala aşyrýan hormatly Prezidentimiziň janyň sag, belent başynyň aman bolmagyny tüýs ýürekden arzuw etdiler.
Gurbanmyrat MUHAMMEDOW,
Türkmenistanyň Magtymguly adyndaky Ýaşlar guramasynyň Merkezi Geňeşiniň bölüm müdiri.
