Medeni miras
GAHRYMAN ARKADAGYMYZYŇ «ENÄ TAGZYM – MUKADDESLIGE TAGZYM» ESERINDEN DÜRDÄNE SÖZLER:
02 Noýabr 2022
3490
- Perzent üçin ata-enäniň orny edil ýaş daragta arassa akardan dup-dury suwuň barmagynyň zerurlygy ýalydyr.
- Jemgyýetiň ösüşlerine goşandyny goşýan şahsyýetiň, ilhalar ynsanyň kemala gelmegi ata-enäniň göreldesiniň, tälim-terbiýesiniň netijesidir, olaryň perzendi hakyndaky iň süýji arzuwynyň amala aşmagydyr.
- Ene ýaradylyşda dowamatyň dowam etmeginiň başlangyjydyr.
- Türkmençilikde zenan durky bilen mertebe sütünini aňladýar, mert ýigitler bolsa, il-halkyň namysyny, mertebesini aýap, ony ömrüniň manysyna öwürýärler.
- Ata-ene her bir ynsan üçin iň ýakymly hem-de lezzetli hakyda ýazgylarydyr.
- Iň gyzykly hem-de göwnüňi açýan çagalyk ýatlamalaryňdaky manyly pursat eneli-ataly pursatlaryňdyr, olar bilen bilelikde geçirilen hoşwagtlygyňdyr.
- Watany üçin edermenligi hem-de gaýratlylygy özüne ýörelge edinen perzendini enäniň yhlasy bişowlukdan hem ýakymsyz täsirlerden goraýar.
- Ene – beýikleri dünýä inderýän beýiklik.
- Arşdan saňa inderilen iň uly serpaý – bu ene mähri.
- Adamyň öz mähribanlary baradaky ýatlamalary onuň durmuşynyň iň gyzykly we ýakymly ýatlamalarydyr.
- Kiçilikde ynsan üçin ene hüwdüsinden ýakymly owaz, söz hem-de saz ýokdur.
- Perzent üçin ata-ene uly görelde, durmuşa söýginiň gözbaşy.
- Enelere hormat goýmak, ýagşylyga dowamat bermek, mukaddeslige tagzym etmekdir.
- Hünäre bolan söýginiň kemala gelmeginde maşgalada her günki eşidilýän gürrüňleriň ähmiýeti juda ulydyr.
- Türkmen maşgalasynda edep-ekramy, asyllylygy, mähremligi bilen ýaşlar üçin görelde bolýan käbelerimiz tükeniksiz döwletiň – döwletliligiň eýesidir.
- Döwletlilik sylaşygyň, agzybirligiň bolmagy, bir söz bilen aýdylanda, bagtyýarlygyň höküm sürmegidir.
- Eneler iliniň bagtynyň dileginde bolup, abatlyk arzuwlary bilen dünýäni ýaşadýarlar.
- Mähriban Watanymyza söýgi akyldarlaryň pähimdarlyk mülküniň göwheridir.
Meňzeş habarlar
22 Noýabr 2024
| 46 okalan
18 Noýabr 2024
| 427 okalan
18 Noýabr 2024
| 432 okalan
