Türkmenistanyň Magtymguly adyndaky Ýaşlar guramasynyň Balkan welaýatynyň Türkmenbaşy şäher Geňeşi, Türkmenbaşy şäherindäki Deňizçilik orta hünär okuw mekdebiniň mejlisler zalynda, okuw mekdebinde bilim alýan talyp ýaşlaryň gatnaşmaklarynda «Maşgala mukaddesligi – halkymyzyň milli terbiýesiniň gönezligidir» atly wagyz nesihat duşuşygyny geçirdi. Duşuşygyň dowamynda hormatly Prezidentimiziň Türkmenistanyň Magtymguly adyndaky Ýaşlar guramasynyň VII Gurultaýynda: «Halallyk we maşgala gymmatlyklaryna ygrarlylyk ýaşlaryň baş ýörelgesine öwrülmelidir. Ýaş ynsanda şeýle häsiýetleri terbiýelemek Ýaşlar guramasynyň belent borjy we baş maksady bolmalydyr» diýip, öňde goýýan wezipelerinden ugur alyp, şeýle-de ýaşlary maşgala durmuşyna taýýarlamak, maşgala mukaddesligine söýgi döretmek dogrusynda giňişleýin çykyş etdiler. Duşuşygyň ahyrynda gatnaşyjylar Gahryman Arkadagymyzyň, Arkadagly Serdarymyzyň janlarynyň sag, ömürleriniň uzak bolmagyny, il-ýurt bähbitli umumyadamzat ähmiýetli tutýan tutumly işleriniň mundan-da beýläk rowaçlyklara beslenmegini tüýs ýürekden arzuw etdiler.
Maýagül GARAJAÝEWA,
TMÝG-niň Türkmenbaşy şäher
Geňeşiniň guramaçylyk bölüminiň
sanly ulgam boýunça esasy hünärmeni.
