Arkadagly Serdarymyzyň “Siziň belent joşgunda ýerine ýetirýän aýdym-sazlaryňyz biziň halkymyzyň dünýä dolýan ykbalydyr, at-abraýy, mertebe-şanydyr, ýüreklere egsilmez şatlyk paýlaýan täsin sungatdyr” diýen sözlerinden ugur alyp, ýurdumyzyň çagalarynyň, okuwçy ýaşlarynyň ruhy taýdan ösmegini, ahlak, edep häsiýetleriniň berkemegini gazanmak, milli medeniýetimizi we sungatymyzy yzygiderli ösdürmek, ösüp gelýän ýaş nesliň sungat äleminde zehinli hünärmenler bolup ýetişmeklerini gazanmak, ýaşlaryň döredijilik ukyplaryny we bilimlerini has-da kämilleşdirmek, kiçi ýaşly oglanlaryň merdana ata-babalarymyzyň asyrlar boýy dowam edip gelýän asylly däplerine, gahrymançylykly synmaz ruhuna we kämil nusgalyk häsiýetlerine uýmak, ýaşlaryň arasynda tertip-düzgüni, dost-doganlygy berkitmek, ula-kiçä sylag-hormaty terbiýelemek, we olary watansöýüjilik ruhunda terbiýelemek maksady bilen Türkmenistanyň Magtymguly adyndaky Ýaşlar guramasynyň Merkezi Geňeşiniň Türkmenistanyň Bilim ministrligi bilen bilelikde Halkara Bitaraplyk güni mynasybetli ýurdumyzyň umumybilim berýän orta mekdepleriniň 3-5-nji synplarynda okaýan okuwçy oglanlaryň arasynda yglan eden “Merdana nesil-2022” atly şadyýan bäsleşigine Türkmenbaşy, Bereket, Magtymguly etraplary, Balkanabat, Serdar şäher Geňeşleri tapgyrlary guramaçylykly geçirildi. Bu bäsleşikde okuwçy oglanlar Türkmen halkyna mahsus bolan merdanalyk, Watana bolan söýgini, ata-babalarymyzyň gahrymançylykly synmaz ruhuna belent sarpasyny, bagtyýar zamanamyzda watanymyzyň ýeten üstünliklerini, ýürek buýsançlaryny çeper sözleriň üsti bilen beýan etmekde, şorta söz ýerine ýetirmek şeýle-de, Arkadagly Serdarymyzyň parasatly ýolbaşçylygynda Berkarar döwletiň täze eýýamynyň Galkynyşy döwründe amala aşyrylýan uly ösüşleri, bagtyýar çagalygy, dost-doganlygy wasp edýän aýdym-sazly çykyşlary ýerine ýetirmekde bäsleşip, öz-ukyp başarnyklaryny görkezdiler. Bäsleşigiň ýeňijilerine hem-de tapawutlanan okuwçy oglanlara Türkmenistanyň Magtymguly adyndaky Ýaşlar guramasynyň etrap-şäher Geňeşleri tarapynda ýadygärlik sowgatlary we Hormat hatlary dabaraly ýagdaýda gowşuryldy.
Güýçmyrat ÝAGŞYÝEW,
TMÝG-niň Balkan welaýat
Geňeşiniň başlygynyň orunbasary.
