ÝAŞLAR – BAGTYÝAR GELJEGIŇ BINÝADY

Türkmenistanyň Magtymguly adyndaky Ýaşlar guramasynyň Daşoguz welaýatynyň Köneürgenç şäher Geňeşi şäheriň 11-nji orta mekdebiniň ýokary synp okuwçylarynyň gatnaşmagynda “Ýaşlar – bagtyýar geljegiň binýady” atly wagyz-nesihat çäresini geçirdi. Bu çäre ýaşlaryň sagdyn bedenli, arassa ahlakly, watansöýüji, ynsanperwerlik, zähmetsöýerlik ruhunda ýetişmeklerini, kämil hünärli bolmaklaryny gazanmak, hormatly Prezidentimiziň ýolbaşçylygynda ylym-bilim ulgamynda durmuşa geçirilýän düýpli özgertmeleri wagyz etmek maksady bilen geçirildi. Çärede ýerli jemgyýetçilik guramalarynyň wekilleri çykyş etdiler. Çykyşlarda ýaşlary ruhy ahlak gymmatlyklarymyza hormat goýmak, milli medeniýetimize, däp-dessurlarymyza söýgi döretmek, aýawly garamak endiklerini terbiýelemek dogrusynda giňişleýin bellenip geçildi.