TÜRKMEN MILLI OÝUNLARY BOÝUNÇA BÄSLEŞIK

Türkmenistanyň Magtymguly adyndaky Ýaşlar guramasynyň Daşoguz welaýatynyň S.A.Nyýazow adyndaky etrap Geňeşi etrabyň çagalar we ýetginjekler öýünde okaýan okuwçy gyzlaryň arasynda “Aýterek – günterek” ady bilen çagalaryň türkmen milli oýunlary boýunça bäsleşigini geçirdi. Bu bäsleşik mekdep okuwçylaryny millilige höweslendirmek, milli däp-dessurlarymyza hormat goýmaklaryny gazanmak maksady bilen geçirildi. Bäsleşikde “Gunça” we “Maýa” toparlary özara bäsleşdiler. Bäsleşikde aýratyn tapawutlanan ýaş nesillere TMÝG-niň ýerli Geňeşi tarapyndan ýadygärlik sowgatlar gowşuryldy.