Türkmenistanyň Bilim ministrligi, Türkmenistanyň Magtymguly adyndaky Ýaşlar guramasynyň Merkezi Geňeşiniň bilelikde tassyklan düzgünnamasy esasynda Milli bahar baýramy mynasybetli ýurdumyzyň umumy bilim berýän mekdepleriň 2-4-nji synplarda okaýan okuwçy gyzlaryň arasynda geçirilýän “Iň eýjejik gyzjagaz-2023” atly şadyýan bäsleşiginiň Aşgabat şäheriniň Berkararlyk etrap tapgyry geçirildi. Ösüp gelýän ýaş nesilleriň, sungata, döredijilige bolan söýgüni artdyrmakdan bilimlerini kämilleşdirmekden, zehinli çagalary ýüze çykarmakdan we olary goldamakdan, olaryň ählitaraplaýyn kämil ýaşlar bolup ýetişmeklerini gazanmakdan ybarat bolan bu bäsleşikde 1-nji orna Aşgabat şäheriniň daşary ýurt dillerine ýöriteleşdirilen 80-nji orta mekdebiniň 3-nji synp okuwçysy Fatima Orazgeldiýewa, 2-nji orna Aşgabat şäheriniň daşary ýurt dillerine ýöriteleşdirilen 134-nji orta mekdebiniň 2-nji synp okuwçysy Medine Babaýewa, 3-nji orna Aşgabat şäheriniň 24-nji orta mekdebiniň 4-nji synp okuwçysy Aýperi Hojamyradowa, 3-nji orna Aşgabat şäheriniň 67-nji orta mekdebiniň 3-nji synp okuwçysy Orazbibi Meredowa mynasyp boldular. Bäsleşige gatnaşan okuwçylara Türkmenistanyň Magtymguly adyndaky Ýaşlar guramasynyň Aşgabat şäheriniň Berkararlyk etrap Geňeşi tarapyndan ýadygärlik sowgatlar bilen sylaglanyldy.
Gülaýym AŞYROWA,
Türkmenistanyň Magtymguly adyndaky
Ýaşlar guramasynyň Aşgabat şäheriniň
Berkararlyk etrap Geňeşiniň esasy hünärmeni.
