Türkmenistanyň hokkeý boýunça ýetginjekler ýygyndysy Aziýanyň we Okeaniýanyň bilelikdäki çempionatynda ikinji ýeňşini hem gazandy.
Ýaryşyň üçünji tapgyrynda Birleşen Arap Emirlikleriniň ýygyndysy bilen duşuşan türkmenistanly hokkeýçiler garşydaşlaryndan 7:2 hasabynda üstün çykdylar. Matweý Arhipow bilen Röwşen Aşyrowyň iki gezekden tapawutlanan duşuşygynda beýleki şaýbalary Alyhan Aliskerow, Elman Isaýew we Nazar Želtýakow dagylar geçirdi.
Türkmenistanyň ýygyndysynyň ikinji tapgyrda Tailandy hem 4:3 hasabynda ýeňendigini ýatladýarys.
Üç tapgyrdan soň 6 utuk toplan Guwançmyrat Jepbarowyň tälim berýän topary ýaryş tertibiniň üçünji basgançagynda ýerleşdi.
Şu gün türkmen topary Mongoliýanyň ýygyndysy bilen duşuşýar.
Ýaryş 19-njy martda jemlener.
