Gojaman taryhyň syrly sahypalaryna nazar aýlanyňda, ähli döwürde ýaşlaryň her bir ýurduň, her bir jemgyýetiň esasy sütüni, her bir halkyň dowamaty hasaplanylandygyny görmek bolýar. Dünýä ykraryna öwrülen bu mizemez hakykat, Gahryman Arkadagymyzyň sahawatly saýasynda, Arkadagly Serdarymyzyň parasatly ýolbaşçylygynda ata Watanymyzda has-da belentden dabaralanýar. Ýurdumyzy belent sepgitlere ýetirmekde giň gözýetimli, täzeçe pikirlenmegi başarýan, watansöýüji, milli ruhda terbiýelenen ýaşlaryň bilimine we ukyp- başarnygyna daýanylýar.
Ýakynda, “Arkadag Serdarly bagtyýar ýaşlar ýylynda” Türkmenistanyň Magtymguly adyndaky Ýaşlar guramasynyň Sakarçäge etrap Geňeşiniň, Türkmenistanyň Demokratik Partiýasynyň Sakarçäge etrap komiteti bilen bilelikde gurnamagynda etrabyň 14-nji orta mekdebiniň okuwçylarynyň arasynda ýaş nesillerde ruhy-ahlak gymmatlyklarymyza, milli medeniýetimize, däp-dessurlarymyza, taryhy we medeni mirasymyza hormat goýmak we aýawly garamak endiklerini terbiýelemek maksady bilen “Bagtly geljegimiziň binýady-ýaşlar” ady bilen wagyz-nesihat duşuşygy geçirildi.
Duşuşykda, Türkmenistanyň Magtymguly adyndaky Ýaşlar guramasynyň Mary welaýatynyň Sakarçäge etrap Geňeşiniň guramaçylyk bölüminiň esasy hünärmeni Çynar Hoşgeldiýewa, Türkmenistanyň Demokratik Partiýasynyň Sakarçäge etrap komitetiniň işgäri Mahym Hojagulyýewa we Sakarçäge etrabynyň 14-nji orta mekdebiniň öňdebaryjy mugallymlary çykyş etdiler. Olar, Berkarar döwletiň täze eýýamynyň Galkynyşy döwründe Arkadagly Serdarymyzyň taýsyz tagallalary bilen röwşen geljegimiz bolan ýaşlaryň giň dünýägaraýyşly, ruhubelent, hünärli bolmagy ugrunda uly işler durmuşa ornaşdyrylýandygy, ýaşlaryň bilim almagy, hünär öwrenmegi, eşretli durmuşda we bolelin ýaşamagy üçin ähli amatly şertleriň döredilýändigi barada çykyş etdiler.
Çykyşlarynyň dowamynda, çagyrylan myhmanlar geljek-de hem, “Türkmenistanda Ýaşlar baradaky döwlet syýasatynyň 2021-2025-nji ýyllar üçin döwlet Maksatnamasyny amala aşyrmak boýunça ýerine ýetirilmeli çäreleriň meýilnamasyna” esaslanyp, ýaşlaryň ählitaraplaýyn ösen, beden we ruhy taýdan sagdyn, bilimli-ylymly bolmagyny gazanmak, ýaşlarda ata-babalarymyzyň müňýyllyklaryň dowamynda kemala gelen mertlik, edermenlik, watansöýüjilik, halallyk, ruhubelentlik, päkýüreklilik, arassa ahlaklylyk, zähmetsöýerlik ýaly häsiýetleri terbiýelemek hem-de olarda milli mirasymyza bolan sarpany kemala getirmek maksady bilen yhlasly zähmet çekjekdikleri dogrusynda buýsanç bilen belläp, ýaş nesillere şeýle ajaýyp mümkinçilikleri döredip berýän, Watanymyzyň geljegini ýaşlarda görýän Gahryman Arkadagymyzyň, Arkadagly Serdarymyzyň janlarynyň sag, ömürleriniň uzak bolmagyny arzuw etdiler.
Owadan ATDAÝEWA,
Türkmenistanyň Magtymguly adyndaky
Ýaşlar guramasynyň Mary welaýatynyň
Sakarçäge etrap Geňeşiniň Guramaçylyk
bölüminiň sanly ulgam boýunça
esasy hünärmeni.
