1941-1945-nji ýyllaryň Beýik Watançylyk urşunda gazanylan Ýeňiş halklaryň hiç wagt hakydasyndan gitmejek wakadyr. Geçen ýowuz urşuň gahrymanlarynyň edermenligine we gaýduwsyzlygyna belent sarpa goýup, ýaş nesilleri Watana, öz halkyna wepaly hem-de oňa tüýs ýürekden hormat goýýan derejede terbiýelemek ýaly asylly işde parahatçylygyň, asuda we bagtyýar durmuşyň gadryna has doly düşünýärsiň. Ýer ýüzünde parahatçylygyň berkarar bolmagyna we Ýeňşiň gazanylmagyna mynasyp goşant goşan Watanymyzyň şöhratly gerçekleriniň şanyna ýurdumyzyň ähli ýerlerinde baýramçylyk çäreleri, duşuşyklar, çeperçilik sergileri, döredijilik bäsleşikleri we sport ýaryşlary geçirilýär.
2023-nji ýylyň 9-njy maýynda Türkmenistanyň Magtymguly adyndaky Ýaşlar guramasynyň Lebap welaýatynyň Kerki etrap Geňeşi, Beýik Ýeňşiň 78 ýyllygy mynasybetli Kerki etrabynyň ýaşaýjylary – Beýik Watançylyk urşuna gatnaşyjylaryň ojagyny saklap oturan eneler bilen “Daňlar biziň ilde bagt bolup atar, Ýeňiş toýun tutýar bagtyýar Watan” atly duşuşyk geçirildi. Duşuşygyň dowamynda enelere Beýik Ýeňşiň 78 ýyllygy mynasybetli Türkmenistanyň Magtymguly adyndaky Ýaşlar guramasynyň Lebap welaýatynyň Kerki etrap Geňeşi tarapyndan ýadygärlik sowgatlary gowşuryldy.
Arzuw RAHMANOWA,
Türkmenistanyň Magtymguly adyndaky
Ýaşlar guramasynyň Lebap welaýatynyň
Kerki etrap Geňeşiniň başlygy.
