2023-nji ýylyň 11-nji maýynda Türkmenistanyň Magtymguly adyndaky Ýaşlar guramasynyň Lebap welaýat, Türkmenabat şäher we Halaç etrap Geňeşleriniň bilelikde gurnamagynda Türkmen halysynyň milli baýramy mynasybetli “Türkmen halysy dünýäň ýüzünde” atly aýdym-sazly baýramçylyk dabarasy geçirildi. Dabarada medeniýet we sungat ussatlarymyzyň aýdymdyr sazlaryna uly orun berlip, oňa gatnaşanlar özboluşly milli medeniýetimizi, amaly-haşam sungatymyzy, haly dokamagyň gadymy ýörelgelerini, milli nagyşlar hem-de zergärçilik sungatymyzy, Watanymyzyň medeniýetiniň «altyn gaznasyny» dünýä tanatmakda döredip berýän giň mümkinçilikleri üçin Hormatly Prezidentimiz Arkadagly Serdarymyza, türkmen halkynyň Milli Lideri Gahryman Arkadagymyza hoşallyk sözlerini aýtdylar.
