Oňat pikirler, oňat jümleler, ajaýyp pursatlar ýürege ýakyn görülýär. Ýaşlaryň durmuşynda şeýle ýürege ýakyn ajaýyp ýatlamalar kän. Döwrümiz şeýle pursatlar bilen gurşalandyr.
Hormatly Prezidentimiziň pähim-paýhasy bilen ýurdumyz okgunly ösüşlere beslenip, barha öňe barýar. Biziň ýurdumyzda raýatlarymyzyň parahat, asuda we döredijilikli ýaşamagy üçin ähli amatly şertler döredilýär.
Biri-birinden zyýada we şadyýan günleriň hatary kerwen guraýar. Her gün ýaşlaryň durmuşy ýatdan çykmajak wakalara beslenýär. Gahryman Arkadagymyzyň her bir nesihaty, öwüt-ündewi biz ýaşlar üçin nusgalykdyr. 2023-nji ýylyň “Arkadag Serdarly bagtyýar ýaşlar ýyly” diýlip yglan edilmeginiň hem özboluşly manysy bar. Döwür ýaşlardan giň dünýägaraýyşly, kämil bolmagy talap edýär. Hut şu talaplardan hem ugur alnyp, ýaşlarymyzyň dünýä ülňülerine laýyk gelýän döwrebap şertlerde bilim almagy üçin giň mümkinçilikler döredilýär.
“Arkadag Serdarly bagtyýar ýaşlar ýylynyň” 28-nji ýanwarynda Türkmenistanyň Magtymguly adyndaky Ýaşlar guramasynyň nobatdaky VIII gurultaýy ýokary guramaçylyk derejesinde geçirildi. Gurultaýyň çäklerinde ýurdumyzyň öňdebaryjy ýaşlaryna Arkadagly Serdarymyzyň, Gahryman Arkadagymyzyň Şa serpaýlary hem-de Ýaşlar guramasynyň gymmat bahaly sowgatlary gowşuryldy.
Sowgatlara mynasyp bolan ýaşlarymyzy görüp, döwletimiziň berk binýatly nesliniň kemala gelýändigine buýsanjyň artýar. Ýurdumyzyň işjeň bölegi hasaplanýan ýaşlaryň hatarynda goşulyşyp, şunuň ýaly döwlet ähmiýetli çärelere gatnaşmak her bir ýaş raýat üçin uly bagtdyr.
Biz yhlasymyz, zähmetimiz, gujur-gaýratymyz bilen başymyzy dik, ruhumyzy belent tutup, aýdyň menzillere ýeteris.
Ýaşlara nusgalyk görelde bolup, belent maksatlara ruhlandyrýan we Watanymyzyň şöhratly geljegini dabaralandyrjak mynasyp nesilleri ýetişdirmekde uly aladalary edýän Gahryman Arkadagymyzyň, hormatly Prezidentimiziň janlary sag, belent başlary aman bolsun! Il-ýurt bähbitli, dünýä ähmiýetli beýik işleri rowaç bolsun!
Maýa ÇOWDUROWA,
Türkmenistanyň Magtymguly adyndaky
Ýaşlar guramasynyň Daşoguz welaýatynyň
Köneürgenç etrap Geňeşiniň buhgalteri.
