Ýakynda Türkmenistanyň Magtymguly adyndaky Ýaşlar guramasynyň Daşoguz welaýatynyň Daşoguz şäher Geňeşiniň guramagynda «Bagtyýar nesil» çagalar sagaldyş we dynç alyş merkezinde dynç alýan çagalaryň gatnaşmaklarynda, çagalaryň dynç alşyny gyzykly, täsirli hem-de şadyýan geçirmek maksady bilen, «Biz — bagtyýar nesiller» atly şygar astynda aýdym-sazly dabara geçirildi. Aýdym-sazly dabarada Daşoguz şäheriniň çagalar we ýetginjekler döredijilik öýüniň höwesjeň aýdymçylarynyň ýerine ýetiren goşgudyr aýdymlary, tans çykyşlary dabara gatnaşanlarda aýratyn täsir galdyrdy. Dabara gatnaşan çagalara Türkmenistanyň Magtymguly adyndaky Ýaşlar guramasynyň Daşoguz welaýatynyň Daşoguz şäher Geňeşiniň ýadygärlik sowgatlary gowşuryldy.
Wepa ESENOW,
Türkmenistanyň Magtymguly adyndaky
Ýaşlar guramasynyň Daşoguz welaýat
Geňeşiniň hünärmeni.
