Ýakynda Türkmenistanyň Magtymguly adyndaky Ýaşlar guramasynyň Daşoguz welaýatynyň Akdepe etrap Geňeşiniň guramagynda «Bagtyýar nesil» çagalar sagaldyş-dynç alyş merkezinde «Sport sagdynlygyň gözbaşydyr» atly sportuň kiçi futbol görnüşi boýunça ýaryş geçirildi. Bu ýaryş ýaş nesilleri sporta höweslendirmek, çagalaryň sagdyn durmuş ýörelgelerine eýermegini gazanmak maksady bilen geçirildi. Ýaryş örän gyzykly we çekeleşikli ýagdaýda geçdi. Ýaryşda «Daýanç» topary ýeňiji boldy. Ýeňiji bolan topara ýaryşyň guramaçylary tarapyndan ýadygärlik sowgatlar gowşuryldy.
Şamyrat NAZAROW,
TMÝG-niň Daşoguz welaýatynyň
Akdepe etrap Geňeşiniň Guramaçylyk
bölüminiň sanly ulgam boýunça esasy hünärmeni.
