Bir aýal täsin düýş görenmişin. Dükanda satyjynyň ornunda ýüzi nurana biriniň özüne garap, ýylgyryp duranyny görüp, aýal maşgala oňa sowal beripdir:
— Siz kimsiňiz?
— Men siziň Ýaradandan dilän ähli arzuwlaryňyzy hasyl etmeli wekildirin — diýip, ol jogap beripdir.
— Çynyňyzmy?! — diýip, aýal begençli seslenipdir. — Ýeri onsoň, men siziň bu dükanyňyzdan näme alyp bilerin?
— Islän ähli zadyňyzy alyp bilersiňiz.
— Beýle bolsa, gaýrat ediň-de, maňa saglyk, bagt, söýgi, üstünlik hem köp pul... beriň — diýip, ol bir demde ençeme zady sanap çykypdyr.
Satyjy mähir bilen ýylgyrypdyr-da, sargalan harytlary almak üçin arkadaky otaga girip gidipdir. Biraz salymdan bolsa ol eli kiçijik kagyz gutujykly dolanyp gelipdir.
— Bary şumy? — diýip, tamasy çykmadyk aýal geň galyp sorapdyr.
— Hawa, bary şu — diýip, satyjy jogap beripdir. — Eýsem, siz bu dükanda isleýän zatlaryňyzyň ählisiniň diňe tohumynyň satylýandygyny bileňizokdyňyzmy? — diýipdir.
“NAŞYJA SOWGATLAR” atly kitabyndan.
