Ýaňy-ýakynda Türkmenistanyň Magtymguly adyndaky Ýaşlar guramasynyň Daşoguz welaýat Geňeşi, Daşoguz welaýat kitaphanasynda «Arkadag şäheri — döwrüň buýsanjy» atly sanly ulgam arkaly tegelek stoluň başyndaky söhbetdeşlik çäresini geçirdi. Bu çäre Arkadag şäheriniň 1-nji tapgyrynyň açylmagy, Gahryman Arkadagymyzyň «Ömrümiň manysynyň dowamaty» atly eseriniň halkymyza gowuşmagy, «Arkadag şäheri — geljegiň şäheri» atly kitabyň hem-de «Arkadag»gazetiniň ilkinji sanynyň çap edilmegi we «Arkadag» teleýaýlymyň döredilmegi mynasybetli geçirildi. Oňa TMÝG-niň Daşoguz welaýat, şäher, etrap Geňeşleriniň işgärleri, işjeň agzalary we Daşoguz welaýat kitaphanasynyň işgärleri gatnaşdylar. Ýokary guramaçylykly geçirilen söhbetdeşlik çäresinde Arkadag şäheriniň gurulmagy, ýurdumyzyň gazanan ösüşleri babatynda çykyşlar edilip, Gahryman Arkadagymyza, Arkadagly Serdarymyza alkyş sözlerini aýtdylar.
Magsat OTUZOW,
TMÝG-niň Daşoguz welaýat Geňeşiniň başlygy.
