Her sözi ýarar janyňa,
Siňen ynsanyýet aňyna,
Deňelen "Jemşit jamyna",
Pyragynyň şygyrlary.
Şanly taryhyň kökleri,
Haýrana goýar köpleri,
Dünýä tanadan türkmeni,
Pyragynyň şygyrlary.
Salgy biýr, ýollaň ýagşysyn,
Joşdurar şahyr-bagşysyn,
Ähli köňülleň nagşydyr,
Pyragynyň şygyrlary.
Ganat beren il-günüme,
Ganat geren, bil, şu güne,
Zynat beren gül göwnüme,
Pyragynyň şygyrlary.
Döwrüniň waspy seslenen,
Bu berkararlyk islenen,
Pähim-paýhasa beslenen,
Pyragynyň şygyrlary.
Misli deňiz, atýar tolkun,
Döwürlere saçýar ýalkym,
Buýsanjydyr eziz halkyň,
Pyragynyň şygyrlary.
Mähri SAPARMEDOWA,
Daşoguz welaýatynyň Boldumsaz etrabynyň
69-njy orta mekdebiň mugallymy,
Türkmenistanyň Ýaşlar baýragynyň eýesi.
