Seýil bagly geçen günler,
Söýgiň gülün seçen günler,
Yşk meýini içen günler,
Geçmiş boldy bildiňmi, ýar.
Dymyp durus sözi jemläp,
Gubarlanan gözi nemläp,
Bolmaz indi göwni emläp,
Ýiten göwni gördüňmi, ýar.
Umydymyz egnin gysyp,
Ötünjini boýna asyp,
Gadamyny haýal basyp,
Giden yşky bildiňmi, ýar.
Göwnümizi ala salan,
Geçen günleň bary ýalan,
Arzuwlaryň sazyn çalan,
Ahmyrlary gördüňmi, ýar.
Ýat bolupdyr yşkyň keşbi,
Egnimde ykbal keşgi,
Ýyllaň kakan bagt işigi,
Açylmady, bildiňmi, ýar.
Gunça ORAZOWA,
Daşoguz welaýatynyň Köneürgenç etrabynyň
1-nji sport mekdebiniň tälimçi-mugallymy,
Türkmenistanyň Magtymguly adyndaky
Ýaşlar guramasynyň işjeň agzasy.
