Golaýda Özbegistan Respublikasynyň Daşkent şäherinde 2003–2006-nji ýyllarda doglan ýaş türgenleriň arasynda Agyr atletika boýunça ýetginjekleriň Aziýa çempionaty ugrunda ýaryşlar geçirildi. Onda Daşoguz welaýatynyň Akdepe etrabynyň ýygyndy topary hem üstünlikli çykyş etdi. Bu ýaryşda tälimçi Azamat Bazarowyň taýýarlan türgenleri 55, 61, 73, 81, 89, 96 kilogram agram derejeleri boýunça has tapawutly çykyş etdiler. Oglanlaryň arasynda 67 kilogram agram derejesinde Didar Jumabaýew ikinji ýeri eýelemegi başardy.
Gyzlar toparynyň ýaş türgenleri hem öz çykyşlarynda 40, 45, 49, 59 kilogram agram derejeleri boýunça has tapawutly çykyş etdiler. Çempionatda tälimçi Zeripbaý Kerimbaýewiň taýýarlan türgeni Şabnam Kerimbaýewa 2-nji orny eýelemegi başardy.
Didar Jumabaýew hem-de Şabnam Kerimbaýewa dagylar öz agram derejeleri boýunça Hindistanda geçiriljek Agyr atletika boýunça Aziýa çempionatyna gatnaşmaga hukuk gazandylar.
Derýa MAGSADOW,
TMÝG-niň Daşoguz welaýatynyň
Akdepe etrap Geňeşiniň esasy hünärmeni.
