Bilsediň, bu günler güller perişan,
Maňa baglanmadyk çemen aglaýar.
Bagta rowan boljak ýodalar ýitdi,
Bizi ýatlamamy! Näme baglaýar?
Yşkymyza höküm etdi aýralyk,
Hasratlarym ýüregimi daglaýar.
Yhlasymyz çaga ýaly müýnürgäp,
Alyslardan bize golun galgaýar.
Bilsediň, şatlykdan el üzdi ýürek,
Indi göwnümizi näme çaglaýar.
Wadasyna wepa bermez ýar üçin,
Ýürek zaryn aglap, gözi çyglaýar.
Üstümizden öwrüm eden bu ýyllar,
Geçmişimi geljek güne baglaýar.
Kejirlikden üstün gelip dolansaň,
Göwnümdäki kineleri aňla, ýar.
Gunça ORAZOWA,
Daşoguz welaýatynyň Köneürgenç etrabynyň
1-nji sport mekdebiniň tälimçi-mugallymy,
Türkmenistanyň Magtymguly adyndaky
Ýaşlar guramasynyň işjeň agzasy.
