Ýakynda Türkmenistanyň Magtymguly adyndaky Ýaşlar guramasynyň Daşoguz welaýatynyň Daşoguz şäher Geňeşiniň guramagynda «Muny kim başarar?» atly şadyýan bäsleşik geçirildi. Ýaşlaryň ugurtapyjylygyny hem-de başarnyklaryny kämilleşdirmek maksady bilen geçirilen bäsleşige şäheriň 16-njy orta mekdebiniň 4-nji synp okuwçylary gatnaşdylar. Okuwçylar üç şert boýunça ýagny, bije çekmek arkaly soraglara jogap bermek, üm arkaly nakyllary düşündirmek hem-de reňkli kagyzlardan şekilleri ýasamakda bäsleşdiler. Çekeleşikli ýagdaýda geçen bäsleşikde okuwçylar öz ýiti ukyp-başarnyklaryny we erjelliklerini görkezdiler. Ýeňiş gazanan hem-de işjeň gatnaşanlara guramaçylar tarapyndan ýadygärlik sowgatlar gowşuryldy.
Şirin HAÝTJANOWA,
TMÝG-niň Daşoguz welaýatynyň
Daşoguz şäher Geňeşiniň esasy hünärmeni.
