Düýn Döwletmämmet Azady adyndaky Arkadag şäher kitaphanasynda Türkmenistanyň Magtymguly adyndaky Ýaşlar guramasynyň Arkadag şäheriniň Geňeşiniň, Aba Annaýew adyndaky Halkara atçylyk akademiýasynyň, Berdimuhamet Annaýew adyndaky Arkadag şäher mugallymçylyk orta hünär okuw mekdebiniň, Döwletmämmet Azady adyndaky Arkadag şäher kitaphanasynyň bilelikde guramaklarynda «Berkarar döwletiň täze eýýamynyň Galkynyşy: beýik başlangyçlar, döwrebap özgertmeler» atly «tegelek stoluň» başyndaky söhbetdeşlik taýýarlanyldy. Onda Gahryman Arkadagymyzyň nusgalyk göreldesine eýerýän Arkadagly Gahryman Serdarymyzyň taýsyz tagallalary netijesinde Berkarar döwletiň täze eýýamynyň Galkynyşy döwrüniň Arkadag Serdarly bagtyýar ýaşlar ýylynda ýurdumyzy durmuş-ykdysady taýdan özgertmekde, halkara abraý-mertebesini ýokarlandyrmakda alnyp barylýan daşary we içeri syýasaty dogrusynda, şeýle hem giň gerime eýe bolýan ýaşlar syýasaty dogrusynda täsirli gürrüňleri etdiler.
Umyda KAKAÝEWA,
Türkmenistanyň Magtymguly adyndaky
Ýaşlar guramasynyň Arkadag şäheriniň
Geňeşiniň bölüm müdiri.