Ýakynda Arkadag şäheriniň taryhy we ülkäni öwreniş muzeýinde milli gymmatlyklarymyzdan, edim-gylymlarymyzdan, ene-mamalarymyzdan miras galan milli el işlerimizden söhbet açýan gepleşik taýýarlanyldy. Türkmenistanyň Magtymguly adyndaky Ýaşlar guramasynyň Arkadag şäheriniň Geňeşiniň hem-de Türkmenistanyň Kärdeşler arkalaşyklarynyň Arkadag şäheriniň birleşmesiniň bilelikde guramagynda ýazgy edilen gepleşigiň esasy maksady ýaşlary halkymyzyň milli buýsanjyna, ruhy gymmatlygyna öwrülen milli gymmatlyklarymyzy gorap saklamaklyga çagyrmakdan, ony geljekki nesillere ýoýmazdan ýetirmekligi ündemekden, ýaşlarda milli mirasymyza, taryhy şahsyýetlerimize, ruhy gymmatlyklarymyza söýgi döretmekden ybarat boldy. Ýerine ýetirilen söhbetleriň her birinde nesillerde zähmet endiklerini ösdürmek boýunça, bu babatda döredilen mümkinçiliklerdir şertler dogrusynda täsirli gürrüňler edildi.
Umyda KAKAÝEWA,
Türkmenistanyň Magtymguly adyndaky
Ýaşlar guramasynyň Arkadag şäheriniň
Geňeşiniň bölüm müdiri.
