Ýaňy-ýakynda Türkmenistanyň Magtymguly adyndaky Ýaşlar guramasynyň Daşoguz welaýat Geňeşi welaýatyň medeniýet müdirligi hem-de Daşoguzyň Magtymguly Garlyýew adyndaky ýörite sungat mekdebi bilen bilelikde, Türkmenistanyň Magtymguly adyndaky Ýaşlar guramasynyň döredilmeginiň 32 ýyllyk baýramyny giňden dabaralandyrmak maksady bilen, Daşoguz şäheriniň «Maral» toý mekanynda aýdym-sazly baýramçylyk çäresini geçirdi. Oňa guramanyň wekilleri, Ýaşlar baýragynyň ýeňijileri, ýaş alymlar, talyp ýaşlar, bilim, saglyk we medeniýet ulgamlarynda hem-de edara-kärhanalarda dürli kärlerde zähmet çekýän ýaşlar, işjeň agzalar gatnaşdylar. Baýramçylyk ruhunda geçen çärede Daşoguzyň M.Garlyýew adyndaky ýörite sungat mekdebiniň talyplarynyň ýerine ýetiren ajaýypdan-ajaýyp aýdym-saz we tans çykyşlary oňa gatnaşanlara ýatdan çykmajak duýgulary paýlady.
Wepa ESENOW,
TMÝG-niň Daşoguz welaýat Geňeşiniň hünärmeni.
