ÝUNESKO-nyň Baş maslahatynyň 42-nji mejlisinde Türkmenistan tarapyndan teklip edilen Magtymguly Pyragynyň 300 ýyllygynyň 2024-2025-nji ýyllarda ÝUNESKO bilen bilelikde bellenip geçiljek şanly seneleriň sanawyna goşulmagy mynasybetli Kararnamanyň kabul edilmegine bagyşlanyp Türkmenistanyň Magtymguly adyndaky Ýaşlar guramasynyň Balkan welaýat Geňeşiniň, Balkan welaýat häkimliginiň, welaýat jemgyýetçilik guramalarynyň, welaýat medeniýet müdirliginiň bilelikde gurnamaklarynda aýdym-sazly maslahat duşuşygy geçirildi. Duşuşykda il sylagly ýaşulularymyzyň, kümüş saçly enelerimiziň, ýazyjy şahyrlarymyzyň, medeniýet ulgamynda zähmet çekýän ýaşlaryň täsirli çykyşlary diňlenildi. Çäräniň ahyrynda Gahryman Arkadagymyza Arkadagly Gahryman Serdarymyza alkyş sözleri aýdyldy.
Ennebike ANNAGELDIÝEWA,
TMÝG-niň Balkan welaýat Geňeşiniň guramaçylyk
bölüminiň sanly ulgam boýunça esasy hünärmeni.
