Şeýle şygar bilen düýn Arkadag şäheriniň Jemgyýetçilik guramalarynyň edara binasynda Türkmenistanyň Magtymguly adyndaky Ýaşlar guramasynyň Arkadag şäheriniň Geňeşiniň guramagynda hemişelik Bitaraplygymyzyň 28 ýyllygy mynasybetli hem-de dekabr aýynyň 27-sine geçiriljek Ýaşlaryň dabaraly maslahatyna görülýän taýýarlyk işleri dogrusynda «tegelek stoluň» başyndaky söhbetdeşlik taýýarlanyldy. Oňa Arkadag şäheriniň häkimliginiň, «Arkadag» gazetiniň redaksiýasynyň hem-de Türkmenistanyň Magtymguly adyndaky Ýaşlar guramasynyň Arkadag şäheriniň Geňeşiniň bilelikde yglan eden «Arkadag şäheri – ýaşlaryň şäheri» atly döredijilik bäsleşiginiň ýeňijileri gatnaşdylar.
«Arkadag» teleýaýlymy tarapyndan ýazgy edilen bu söhbetdeşligiň barşynda Arkadag Serdarly bagtyýar ýaşlar ýylynda ýurdumyzda giň gerimde durmuşa geçirilýän ýaşlar syýasaty we ondan gelip çykýan wezipeler dogrusynda täsirli gürrüňler, buýsançly söhbetler edildi.
Umyda KAKAÝEWA,
Türkmenistanyň Magtymguly adyndaky Ýaşlar
guramasynyň Arkadag şäheriniň Geňeşiniň bölüm müdiri.
