Gyz alsaň – kynykdan, at alsaň – ýüwrükden.
* * *
Gyz bar – nep getir, gyz bar – gep.
* * *
Gyz çaganyň altysy, är oglanyň ýarpysy.
* * *
Gyz edebi – il edebi.
* * *
Gyz eneden görüm görmese, öwüt almaz.
* * *
Gyz göwni gyzan gazan.
* * *
Gyz göwni ýüplükdir – boýalyp ýüpek bolmaz,
Ýigit göwni ýüpekdir – çigilse çözüp bolmaz.
* * *
Gyz gözelligi sandykda.
* * *
Gyz güldi, men güldüm – ýüreginiň syryn bildim.
* * *
Gyz – gylygy bilen, ogul – edebi bilen.
* * *
Gyz gylygyndan söýdürer.
* * *
Gyz kepbeden çykar, tüsse – omçadan.
* * *
Gyz syryny hossary biler.
* * *
Gyz ulalsa, haýa gider, igin alyp gaýa gider,
Ik bilen ikbaşy owarram-la, ýöne ömri zaýa gider.
* * *
Gyz ýetişip gyraga gider, ogul ýetişip – yraga.
* * *
Gyz ýetişse dilli bolar.
* * *
Gyza altyn tagt dileme, barmak boýda bagt dile.
* * *
Gyza – çümmük, hamyra – ýumruk.
* * *
Gyza erk berilse ýa dowulça barar, ýa surnaýça.
* * *
Gyza – gujak, goýna – pyçak.
* * *
Gyzda – haýa, gelinde – şerim.
* * *
Gyzgyny gyzgyn basar, sowugy – sowuk.
* * *
Gyzly gapy dynuw bilmez.
* * *
Gyzly gyzyldan doýmaz.
* * *
Gyzly gyzyla gyzar.
* * *
Gyzly öý – gyzyldan halka.
* * *
Gyzly öý – soltanly öý.
* * *
Gyzly öýe kyrk at baglanar.
* * *
Gyzly öýe rehnet ýagar.
* * *
Gyzly öýüň iti dynmaz.
* * *
Gyzlygym – soltanlygym, gelinligim – zyndanlygym.
* * *
Gyzlykda gyzyl gyz, nädip ýaman aýal bolduň.
* * *
Gyzmalyk özüňe bagly, mylaýymlyk – sözüňe.
* * *
Gyzy baryň näzi bar, ogly baryň – döwleti.
* * *
Gyzy kim söýmez, gymyzy kim içmez.
* * *
Gyzy saklap bilmeseň, güň bolar, ýüpegi saklap
bilmeseň – ýüň.
