Öňňin Arkadag şäheriniň Söwda toplumynda Arkadag şäheriniň häkimliginiň, Türkmenistanyň Magtymguly adyndaky Ýaşlar guramasynyň Arkadag şäheriniň Geňeşiniň hem-de Türkmenistanyň Senagatçylar we telekeçiler partiýasynyň Arkadag şäheriniň komitetiniň bilelikde guramaklarynda bu ýere gelýän ildeşlerimiziň ýürek buýsançlary ýazgy edildi. «Arkadag» teleýaýlymy tarapyndan edilen ýazgylarda şäherde bina edilen döwrebap desgalar bilen bir hatarda, raýatlarymyzyň bolelin durmuşda ýaşamagy ugrunda döredilen mümkinçilikler, şol sanda söwda nokatlary we bazar bolçulygy dogrusynda täsirli söhbetler edildi. Şeýle hem barha ýakynlap gelýän täze, 2024-nji ýylyň her bir maşgala ojagyna rysgal-döwlet, baky bagtyýarlyk eçilmegi, Gahryman Arkadagymyzyň, Arkadagly Gahryman Serdarymyzyň alyp barýan içeri we daşary syýasatynyň mundan beýläk-de üstünliklere beslenmegi arzuw edildi.
Umyda KAKAÝEWA,
Türkmenistanyň Magtymguly adyndaky Ýaşlar guramasynyň
Arkadag şäheriniň Geňeşiniň bölüm müdiri.
