Şu gün Arkadag şäheriniň Enäniň we çaganyň saglygyny goraýyş merkezinde «tegelek stoluň» başyndaky söhbetdeşlik geçirildi. Türkmenistanyň Saglygy goraýyş müdirliginiň Habarlar merkeziniň, Arkadag şäheriniň Enäniň we çaganyň saglygyny goraýyş merkeziniň hem-de Türkmenistanyň Magtymguly adyndaky Ýaşlar guramasynyň Arkadag şäheriniň Geňeşiniň wekilleriniň gatnaşmagynda geçirilen bu söhbetdeşlikde Gahryman Arkadagymyzyň hem-de Arkadagly Gahryman Serdarymyzyň parasatly ýolbaşçylygynda ýurdumyzyň saglygy goraýyş ulgamynda ýetilen sepgitler, gazanylan üstünlikler, enäniň we çaganyň saglygyny goramakda amala aşyrylýan işler, aýratyn-da Arkadag şäherinde döredilen mümkinçilikler dogrusynda täsirli gürrüňler edildi. Taýýarlanan bu söhbetdeşlik «Arkadag» teleýaýlymy tarapyndan ýazgy edildi.
Umyda KAKAÝEWA,
TMÝG-niň Arkadag şäheriniň
Geňeşiniň bölüm müdiri.
