Ýakynda Arkadag şäheriniň jemgyýetçilik guramalarynda «Pähim-paýhas ummany Magtymguly Pyragy ýylynda belent maksatly tutumlar we batly gadamlar» atly maslahat geçirildi. Maslahaty Arkadag şäheriniň häkimligi we jemgyýetçilik guramalarydyr syýasy partiýalary bilelikde guradylar.
Pähim-paýhas ummany Magtymguly Pyragy ýyly mynasybetli geçirilen maslahatda türkmen nusgawy edebiýatynyň görnükli wekili Magtymguly Pyragynyň döredijiligi, onda beýan edilýän türkmençilik ýol-ýörelgeleri, beýik ahlak häsiýetleri we ýaşlary milli ruhda terbiýelemekde şahyryň döredijiliginiň ähmiýeti dogrusynda täsirli gürrüňler edildi.
Şeýle hem çykyşlaryň her birinde türkmen edebiýatynyň şöhratyny ýokarlandyrmakda taýsyz tagallalary edýän Milli Liderimize hem-de Arkadagly Gahryman Serdarymyza alkyş sözleri beýan edildi.
Umyda KAKAÝEWA,
TMÝG-niň Arkadag şäheriniň Geňeşiniň bölüm müdiri.
