Golaýda şeýle at bilen, Türkmenistanyň Magtymguly adyndaky Ýaşlar guramasynyň Daşoguz welaýatynyň Görogly etrap Geňeşi etrabyň bedenterbiýe we sport bölümi bilen bilelikde, 1-nji sport mekdebinde sport bäsleşigini geçirdi. Ýaşlary köpçülikleýin bedenterbiýä we sporta çekmek, güýçli türgenleri ýüze çykarmak maksadynda geçirilen bäsleşige etrabyň çägindäki sport mekdepleriň ýaş woleýbolçylar toparlary toparlaýyn görnüşde gatnaşdylar. Wolleýbol ýaryşy çekeleşikli häsiýete eýe boldy.
Netije-de, 1-nji sport mekdebiniň tälimçisi Alym Aýytbaýewiň tälim berýän topary 1-nji orny, 3-nji sport mekdebiniň tälimçisi Didar Pirkulyýewiň topary 2-nji orny, 2-nji sport mekdebiniň tälimçisi Abdylla Haýytbaýewiň topary 3-nji orny eýeläp, olar bäsleşigiň ýeňijileri diýlip yglan edildiler.
Ýaryşa gatnaşanlar ýurdumyzyň sport abraýyny belende götermekde taýsyz tagallalary edýän, ýaşlara sport bilen meşgullanmakda ähli mümkinçilikleri döredip berýän hormatly Prezidentimiz Arkadagly Gahryman Serdarymyza çäksiz alkyşlaryny aýtdylar.
Kemal SABYROW,
TMÝG-niň Daşoguz welaýatynyň
Görogly etrap Geňeşiniň esasy hünärmeni.
