Golaýda TMÝG-niň Balkanabat şäher Geňeşiniň we «Türkmennebit» döwlet konserniniň şahamçasynyň bilelikde gurnamagynda Balkan welaýat häkimliginiň «Bagt köşgi» toý dabaralary merkezinde türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň Türkmenistanyň Halk Maslahatynyň Prezidiumynda beren tabşyryklaryny ýaşlara ýetirmek maksady bilen, «tegelek stoluň» başynda söhbetdeşlik duşuşygy geçirildi.
Duşuşykda çykyş edenler Türkmenistanyň Halk Maslahatynyň Prezidiumynyň mejlisinden hem görnüşi ýaly, ýurdumyzyň ähli ulgamlarynda ýylyň-ýylyna belent sepgitlere ýetilip, uly ösüşler gazanylýandygy, ýurdumyzyň syýasy-jemgyýetçilik durmuşynda aýratyn orna eýe bolan bu mejlisde Milli Liderimiziň taryhy çykyşyndan we ildeşlerimiziň ýürek buýsançlaryndan belli bolşy ýaly, onda üns çekilen meseleleriň, orta atylan teklipleriň we geljek ýyllarda ata Watanymyzy ösdürmek boýunça öňde goýlan wezipeleriň her biri halk bilen berk baglanyşyklydygy dogrusynda buýsanç bilen beýan etdiler.
Söhbetdeşligiň ahyrynda Gahryman Arkadagymyzyň, hormatly Prezidentimiz Arkadagly Gahryman Serdarymyzyň ýaşlara okamaga, öwrenmäge, halal zähmet çekmäge, Watanymyzyň kuwwatly ösüşine mynasyp goşant goşmaga döredip berýän mümkinçilikleri üçin köp sagbolsunlar aýdyldy.
Aýgül IŞANMÄMMEDOWA,
TMÝG-niň Balkanabat şäher Geňeşiniň Guramaçylyk
bölüminiň esasy hünärmeni.
