Golaýda Türkmenistanyň Magtymguly adyndaky Ýaşlar guramasynyň Daşoguz welaýatynyň Görogly etrap Geňeşi Görogly etrap bilim bölümi bilen bilelikde, Milli bahar baýramy mynasybetli, etrabyň daşary ýurt dillerine ýöriteleşdirlen 65-nji orta mekdebinde «Hünärli eller» atly döredijilik bäsleşigini geçirdi. Orta mekdepleriň 7 – 10-njy synplarynda okaýan gyzlaryň arasynda geçirilen bäsleşige etrapdaky mekdepleriň ählisinde hereket edýän gyzlar gurnagynyň işjeň agzalary gatnaşdylar. Olar bäsleşigiň 4 şerti boýunça bäsleşdiler we hünärleri ele almakda öz başarnyklaryny görkezmäge çalyşdylar. Bäsleşigiň dowamynda gyzlar özüňi tanyşdyrmak, el işlerini şahyrana wasp etmek, keşde gaýamak hem-de el işleriniň sergisini guramak ýaly ugurlardan öz ukyp-başarnyklaryny görkezdiler.
Etrapdaky mekdeplerden tejribeli bilim işgärlerinden ybarat eminler toparynyň agzalary bäsleşige gatnaşan okuwçylaryň ýerine ýetiren işlerine seljerme berip, olara orunlary kesgitlediler. Bäsleşigiň şertlerini ýerine ýetirmekde 1-nji orta mekdebiň «Çeper eller» gyzlar topary 1-nji orna, 45-nji orta mekdebiň «Hünärli eller» gyzlar topary 2-nji orna, 5-nji orta mekdebiň «Gülälek» gyzlar topary 3-nji orna mynasyp boldular.
Bäsleşikde ýeňiji bolan toparlara onuň gurnaýjylary tarapyndan Hormat hatlary gowşuryldy.
Altyn ATAKOWA,
TMÝG-niň Daşoguz welaýatynyň
Görogly etrap Geňeşiniň bölüm müdiri.
