Ýaňy-ýakynda Türkmenistanyň Magtymguly adyndaky Ýaşlar guramasynyň Daşoguz welaýatynyň Şabat etrap Geňeşi etrabyň 1-nji sport desgasynda edara-kärhanalaryň düzüminde zähmet çekýän ýaşlaryň arasynda sagdyn durmuş ýörelgelerini wagyz etmek, olary bedenterbiýä we sporta höweslendirmek maksady bilen, «Sport – sagdynlygyň gözbaşydyr» ady bilen sportuň futzal görnüşi boýunça bäsleşik geçirdi. Oňa ýerli edara-kärhanalaryň işgärlerinden düzülen toparlar ýokary guramaçylyk hem-de uly ruhubelentlik bilen gatnaşdylar.
Gyzgalaňly geçen bäsleşigiň netijelerine laýyklykda, bilim bölüminiň işgärler topary 1-nji orna, maliýe we ykdysadyýet bölüminiň işgärler topary 2-nji orna, bedenterbiýe we sport bölüminiň işgärler topary 3-nji orna mynasyp boldular. Bäsleşigiň ýeňijilerine we oňa işjeň gatnaşan toparlara TMÝG-niň ýerli Geňeşiniň etrabyň beýleki jemgyýetçilik guramalary bilen bilelikdäki ýadygärlik sowgatlary gowşuryldy.
Öwezmyrat TEKÄÝEW,
TMÝG-niň Daşoguz welaýatynyň
Şabat etrap Geňeşiniň esasy hünärmeni.
