Şu gün Aba Annaýew adyndaky Halkara atçylyk akademiýasynda Beýik Ýeňşiň 79 ýyllygy mynasybetli «Mertler Watany beýgeldýär» atly «tegelek stoluň» başyndaky söhbetdeşlik ýazgy edildi. Göwünlerde çäksiz buýsanç duýgularyny döredýän şanly sene — 1941—1945-nji ýyllaryň Beýik Watançylyk urşunda gazanylan Ýeňşiň 79 ýyllygy mynasybetli geçirilen bu ýazgyda oňa gatnaşyjy söhbetdeşler millionlarça ynsanlaryň ömri, edermenligi we gaýduwsyzlygy bilen gazanylan bu mukaddes ýeňşiň adamzat üçin ähmiýeti dogrusynda, şeýle hem söweşde edermenlik görkezen türkmen gahrymanlary, tylda gaýratlylyk görkezen zenanlary dogrusynda täsirli gürrüňleri etdiler.
Söhbetdeşligiň dowamynda, şeýle hem ýurdumyzyň parahatlygy, halkymyzyň agzybirligi, ynsan mertebesini belent, hatyrasyny mukaddes tutmak ugrunda uly işleri durmuşa geçirýän Gahryman Arkadagymyza, Arkadagly Gahryman Serdarymyza alkyş sözleri beýan edildi.
Umyda KAKAÝEWA,
TMÝG-niň Arkadag şäheriniň Geňeşiniň bölüm müdiri.
