Düýn Türkmenistanyň Magtymguly adyndaky Ýaşlar guramasynyň Arkadag şäheriniň Geňeşiniň, Arkadag şäheriniň Taryhy we ülkäni öwreniş muzeýiniň, Döwletmämmet Azady adyndaky Arkadag şäher kitaphanasynyň bilelikde guramaklarynda döredijilik söhbeti geçirildi. Arkadag şäheriniň Taryhy we ülkäni öwreniş muzeýinde geçirilen bu söhbetdeşligi Türkmenistanyň Magtymguly Ýaşlar guramasynyň Arkadag şäheriniň Geňeşiniň bölüm müdiri Umyda Kakaýewa alyp baryp, onda Döwletmämmet Azady adyndaky Arkadag şäher kitaphanasynyň bölüm müdiri Miwe Dinmädowa, 1-nji derejeli redaktory Gülşen Şirowa, Arkadag şäheriniň Taryhy we ülkäni öwreniş muzeýiniň uly ylmy işgäri Bägül Halbaýewa hem-de muzeýiň hünärmeni Merjen Nuryýewa dagy täsirli çykyş etdiler.
Dana şahyrymyz Magtymguly Pyragynyň doglan gününiň 300 ýyllygy mynasybetli guralan söhbetdeşlikde ýurdumyzyň parahatlygy, halkymyzyň agzybirligi, ynsan mertebesiniň belent hatyrasy, şeýle hem nusgawy edebiýatymyzyň görnükli wekili Magtymguly Pyragynyň döredijiligi, ynsan kalbyny ruhlandyrýan ajaýyp goşgulary, olaryň ähmiýeti dogrusynda buýsançly söhbetler edildi.
Milli medeni we edebi mirasymyzy dikeltmekde, goramakda we geljekki nesillere ýetirmekde uly işleri durmuşa geçirýän Gahryman Arkadagymyza, Arkadagly Gahryman Serdarymyza alkyş sözleri beýan edildi.
Umyda KAKAÝEWA,
TMVG-niň Arkadag şäheriniň Geňeşiniň bölüm müdiri.
