Ýakynda Türkmenistanyň Magtymguly adyndaky Ýaşlar guramasynyň Balkanabat şäher Geňeşi, Gumdag şäherçe Geňeşligi, Gumdag şäherçe Medeniýet bölümi bilen bilelikde şäherçäniň 31-nji orta mekdebinde mekdep okuwçylarynyň gatnaşmaklarynda «Dolandy ýurduňa döwran, Pyragy» atly döredijilik bäsleşigi geçirildi. Bäsleşigiň dowamynda beýik akyldar Magtymguly Pyragynyň döreden goşgy setirlerini aýdym bilen beýan edip ömür ýoluny sahna oýunlarynyň üsti bilen ýerine ýetirdiler. Bäsleşige gatnaşan okuwçylar ukyp başarnyklaryny ussatlyk bilen görkezmegi başardylar. Bäsleşigiň ahyrynda emin agzalaryň çözgüdi esasynda 1-nji orna Gumdag şäherçesiniň 32-nji orta mekdebiniň okuwçylary, 2-nji orna 31-nji orta mekdebiniň okuwçylary, 3-nji orna 27-nji orta mekdebiniň okuwçylary mynasyp boldular. Ýeňijilere Türkmenistanyň Magtymguly adyndaky Ýaşlar guramasynyň Balkanabat şäher Geňeşi tarapyndan ýadygärlik sowgatlary dabaraly ýagdaýda gowşuryldy.
Sähragül ATABAÝEWA,
TMÝG-niň Balkanabat şäher Geňeşiniň
Guramaçylyk bölüminiň esasy hünärmeni.
