Ýakynda Türkmenistanyň Magtymguly adyndaky Ýaşlar guramasynyň «Türkmennebit» döwlet konserniniň şahamçasynyň, Balkan welaýat Polisiýa müdirliginiň hem-de Türkmenistanyň Döwlet Migrasiýa gullugynyň Balkan welaýaty boýunça müdirliginiň bilelikde guramaklarynda Balkanabat şäheriniň 21-nji orta mekdebinde ýaşlaryň berk bedenli, sagdyn ruhly, kämil şahsyýetler bolup ýetişmeklerini gazanmak maksady bilen, wagyz-nesihat çäresi geçirildi. Geçirilen çärede çykyş edenler sagdyn durmuş ýörelgesiniň ähmiýeti barada giňişleýin belläp, ýaşlaryň bilimli, ylymly, giň gözýetimli kämil şahsyýet bolup ýetişmeklerini arzuw edip, şeýle hem Döwletimiz tarapyndan döredilýän mümkinçiliklerden peýdalanyp, ýurdumyzda alan bilimlerini has-da artdyrmak maksady bilen daşary ýurtlarda okamak isleýänleriň gitmezden öň migrasiýa gullugyna ýüz tutup, bilim aljak ýokary okuw mekdepleri, ýaşajak ýerleri barada degişli maglumatlary almaklaryny nygtadylar.
Mährijemal NYÝAZDURDYÝEWA,
TMÝG-niň «Türkmennebit» döwlet konserniniň şahamçasynyň
Guramaçylyk bölüminiň sanly ulgam boýunça esasy hünärmeni.
