Ýakynda Balkan welaýatynyň Gyzylarbat etrabyndaky «Dürdäne» çagalar sagaldyş we dynç alyş merkezinde dynç almaga gelen körpeleriň arasynda, Türkmenistanyň Magtymguly adyndaky Ýaşlar guramasynyň Balkan welaýat we Gyzylarbat etrap Geňeşleriniň hem-de Gyzylarbat etrabynyň PÝGB-niň bilelikde guramagynda ýol hereketiniň düzgünlerini berjaý etmeklik boýunça gyzykly bäsleşik geçirildi. Çagalary ýol hereketiniň kadalary bilen tanyşdyrmak we ýol-ulag hadysalarynyň öňüni almak, köçelerde, ýollarda we jemgyýetçilik ulaglarynda çagalaryň özlerini howpsuz we medeniýetli alyp barmak endiklerini terbiýelemek maksady bilen geçirilen bu çärede Gyzylarbat etrabynyň PÝGB-niň uly gözegçisi, polisiýanyň kapitany Tugurow Tugur aýratyn orny eýeläp, uly düşündiriş işlerini geçdi. Çäräniň ahyrynda oňa gatnaşan çagalara TMÝG-niň Balkan welaýat Geňeşi tarapyndan ýadygärlik sowgatlary gowşuryldy we olara geljekde Watanymyza wepaly ýaşlar bolup ýetişmekleri arzuw edildi.
Gülruh NAZAROWA,
TMÝG-niň Balkan welaýatynyň Gyzylarbat
etrap Geňeşiniň esasy hünärmeni.
