Golaýda Gündogaryň beýik akyldary we nusgawy şahyry Magtymguly Pyragynyň doglan gününiň 300 ýyllygy mynasybetli Türkmenistanyň Magtymguly adyndaky Ýaşlar guramasynyň Magtymguly etrap Geňeşi, Balkan welaýat häkimligi, Magtymguly etrap häkimligi we Magtymguly etrap jemgyýetçilik guramalary bilen bilelikde Magtymguly etrabynyň Magtymguly Pyragy muzeýiniň mejlisler jaýynda etrabyň edara-kärhanalarynda zähmet çekýän ýaşlaryň gatnaşmagynda maslahat duşuşygy geçirildi. Maslahatda many-mazmunly çykyşlara orun berlip, olarda Magtymguly Pyragynyň umman ýaly döredijiliginiň ähmiýeti, şahyryň doglan gününiň 300 ýyllygy mynasybetli ýurdumyzda alnyp barylýan işler dogrusynda beýan edilip, beýik akyldaryň eserleriniň öwrenilmegi, ösüp gelýän ýaş nesillere ýetirilmegi ugrunda ähli mümkinçilikleri döredip berýän Gahryman Arkadagymyza, Arkadagly Gahryman Serdarymyza tüýs ýürekden alkyş sözleri aýdyldy.
Bagül BOÝALYÝEWA,
TMÝG-niň Balkan welaýatynyň Magtymguly etrap Geňeşiniň
Guramaçylyk bölüminiň esasy hünärmeni.
