Golaýda Türkmenistanyň Magtymguly adyndaky Ýaşlar guramasynyň Balkan welaýatynyň Gyzylarbat etrap Geňeşiniň, etrap häkimliginiň, jemgyýetçilik guramalarynyň bilelikde guramagynda Halk Maslahatynyň nobatdaky mejlisiniň geçirilmegi mynasybetli alnyp barylýan giň göwrümli işleri halk köpçüligine ýetirmek maksady bilen maslahat duşuşygy geçirildi. «Halk Maslahaty – döwletli işleriň gözbaşy» ady bilen geçirilen duşuşyga etrabyň bilim ulgamynda zähmet çekýän işgärler gatnaşdylar.
Geçirilen maslahat duşuşygynda çykyş edenler Gahryman Arkadagymyzyň asylly başlangyçlary bilen peder ýoluny üstünlikli dowam edýän Arkadagly Gahryman Serdarymyzyň türkmen halkynyň asuda ýaşamagy, bilim almagy, halal zähmet çekmegi üçin alyp barýan döwletli işleri günsaýyn rowaçlanýandygy barada gürrüň etdiler.
Duşuşygyň ahyrynda türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyza we hormatly Prezidentimiz Arkadagly Gahryman Serdarymyza alkyş sözleri belentden ýaňlandy.
Şöhrat MÄMMETHANOW,
TMÝG-niň Balkan welaýatynyň
Gyzylarbat etrap Geňeşiniň
Guramaçylyk bölüminiň müdiri.
