Ýakynda Türkmenistanyň Magtymguly adyndaky Ýaşlar guramasynyň Balkan welaýatynyň Bereket etrap Geňeşi we etrabyň jemgyýetçilik guramalary bilen bilelikde guramagynda Bereket etrabynyň Medeniýet bölüminde wagyz-nesihat çäresi geçirildi.
«Jemgyýetimiziň sagdynlygy-ýurdumyzyň gelejegi» atly çäre edara-kärhanalarda zähmet çekýän ýaşlaryň arasynda sagdyn durmuş ýörelgelerini kemala getirmek, watansöýüjiligi, ynsanperwerligi, zähmete söýgüni terbiýelemek, milli ahlak ýörelgelerini ýaýbaňlandyrmak, zyýanly endikleriň adam saglygyna ýetirýän täsirini düşündirmek maksady bilen geçirildi.
Çäräniň dowamynda oňa gatnaşanlar ýurdumyzda ösüp gelýän ýaş nesliň zyýanly endiklerden daşda durmalydygy, saglygyň maşgaladan başlanýandygy, maşgala saglygyny ýurduň saglygyna deňelýändigi dogrusynda gürrüň etdiler.
Gülälek ÝAGŞYMYRADOWA,
TMÝG-niň Balkan welaýatynyň Bereket etrap
Geňeşiniň sanly ulgam boýunça esasy hünärmeni.
